ຄໍລຳ ໜັງໃໝ່  ມື້ນີ້ເຮົາຈະມາສົ່ງທ້າຍຜີຊີວະໄປພ້ອມໆກັນ ກັບ ຮູບເງົາພາກສຸດທ້າຍ ຂອງຜີຊີວະ ທີ່ຈະສົ່ງຄວາມຕື່ນເຕັ້ນລຸ້ນລະທຶກໄປພ້ອມກັນທົ່ວໂລກໃນໂຮງຮູບເງົາໃນວັນທີ 27 ມັງກອນ 2017 ນີ້

Resident Evil “ຜີຊີວະ” ເປັນເກມດັງຄ້າຍ Capcom ຈາກຢີ່ປຸ່ນ ທີ່ເມື່ອກ່ອນຊື່ເກມວ່າ  Biohazard ທີ່ໄດ້ຮັບຄວາມນິຍົມຢ່າງມະຫາສານ ຍ້ອນເປັນເກມຍິງຊັອມບີ້ແກມທຳອິດທີ່ມີຄວາມຕື່ນເຕັ້ນ ແລະ ມີເນື້ອເລື່ອງສາກຈົບໃຫ້ເລືອກຫຼິ້ນຫຼາຍແບບ ເຮັດໃຫ້ຮູບແບບເກມບໍ່ໜ້າເບື່ອ ແລະ ໄດ້ຮັບຄວາມນິຍົມຈົນເຖິງຂັ້ນນຳໄປເຮັດເປັນພາສາອັງກິດໂດຍໃສ່ຊື່ວ່າ Resident Evil ຕໍ່ມາບໍລິສັດ ໂຊນີ ພິດເຈີສ໌ ຈັບມາສ້າງເປັນຮູບເງົາ ກໍ່ໄດ້ຮັບກະແສຕອບຮັບຢ່າງມະຫາສານ ໂດຍທັງ 5 ພາກທີ່ເຮັດຜ່ານມາສາມາດກວດລາຍຮັບໄດ້ເຖິງ 1 ພັນລ້ານໂດລາຈາກທົ່ວໂລກ ແລະ ພາກນີ້ຈະເປັນສົງຄາມຄັ້ງສຸດທ້າຍ ທີ່ ອະລິຊ ຈະກັບມາແກ້ໄຂທຸກຢ່າງຈາກຈຸດທີ່ມັນເລີ່ມຕົ້ນຂຶ້ນ