ຫຼາຍຄົນມີນິໄສມັກຫຼິ້ນໂທລະສັບໃນຫ້ອງນໍ້າ ແຕ່ຮູ້ບໍວ່າມັນເປັນອັນຕະລາຍຫຼາຍ ເພາະເຈົ້າສາມາດຮັບເຊື້ອພະຍາດຕ່າງໆ ເຂົ້າສູ່ຕົວເອງໄດ້ຢ່າງງ່າຍດາຍເຊັ່ນ: ເຊື້ອຊາລໂມເນລລາ , ເຊື້ອອີໂຄໄລ E ແລະ C
Dr. Lisa Ackerley ຜູ້ຊ່ຽວຊານດ້ານສຸຂະອະນາໄມໄດ້ເວົ້າວ່າ “ຫາກເຈົ້າເຊັດກົ້ນຂອງເຈົ້າແລ້ວ ຈັບໂທລະສັບຂຶ້ນມາ ໂດຍທີ່ບໍ່ທັນໄດ້ລ້າງມື ເຈົ້າຈະໄດ້ຮັບເຊື້ອແບັກທີເລຍທັງໝົດທີ່ຕິດຢູ່ໃນໂທລະສັບຂອງເຈົ້າ”
Dr. Ron Cutler ຜູ້ອໍານວຍການຂອງອົງການວິທະຍາສາດຊີວະພາບພະລາຊີນີແມລີ່ ແຫ່ງມະຫາວິທະຍາໄລລອນດອນ ໄດ້ເວົ້າວ່າ “ປົກກະຕິແລ້ວຄົນເຮົາບໍ່ຄວນໃຊ້ໂທລະສັບ ໃນເວລາທີ່ເຮົາເຂົ້າຫ້ອງນໍ້າ ເພາະເຮົາຈະໄດ້ຮັບເຊື້ອໄວຣັດ ທີ່ປົນເປື້ອນມາກັບອຸດຈະລະ ແລະເຊື້ອພະຍາດຕ່າງໆ ທີ່ຢູ່ໃນຫ້ອງນໍ້າ”
ເຊື້ອໄວຣັດທີ່ເຂົ້າສູ່ມືເຮົາ ມັນຍັງສາມາດເຂົ້າສູ່ຮ່າງກາຍຂອງເຮົາໄດ້ຫຼາຍທາງ ຜູ້ຊ່ຽວຊານຍັງເວົ້າອີກວ່າ: ເປັນຫຍັງເຮົາຈຶ່ງບໍ່ຄວນເກັບໄມ້ສີແຂ້ວໄວ້ກັບຊັກໂຄກ ລວມເຖິງການວາງໂທລະສັບໄວ້ເທິງຄິດຊູ່ໃນຫ້ອງນໍ້າ ຫຼືບ່ອນອື່ນໆ
ເຊື້ອພະຍາດເຫຼົ່ານັ້ນ ສາມາດຕິດມາກັບໂທລະສັບຂອງເຈົ້າໄດ້ ແລະຢູ່ໄດ້ດົນເຖິງ 2-3 ວັນ ເພາະໂທລະສັບຂອງເຈົ້າຮ້ອນ ຈະເປັນບ່ອນຢູ່ທີ່ອົບອຸ່ນຂອງແບັກທີເລຍ ແລະຜູ້ຊ່ຽວຊານຍັງເວົ້າອີກວ່າ “ຫາກມີຄາບຄວາມໜຽວ ຂອງເຂົ້າໜົມ ຕິດຢູ່ກັບໂທລະສັບ ກໍຍິ່ງເຮັດໃຫ້ແບັກທີເລຍອາໄສຢູ່ໄດ້ດີ” ດັ່ງນັ້ນ ຢ່າລືມລ້າງມືໃຫ້ສະອາດດ້ວຍສະບູ ແລະນໍ້າ ແລະເອົາໂທລະສັບໄວ້ໃນກະເປົາ ບໍ່ຄວນເອົາມາຫຼິ້ນເວລາເຂົ້າຫ້ອງນໍ້າ
ທີ່ມາ: http://www.rak-sukapap.com/2017/01/blog-post_173.html
ຕິດຕາມນານາສາລະ ກົດໄລຄ໌ເລີຍ!