ທ່ານ ບົວຄຳ ສີສົງຄາມ ຮອງເຈົ້າເມືອງສັງທອງ ພ້ອມດ້ວຍຄະນະ ລົງເບິ່ງການນຳໃຊ້ເຕັກນິກ ການນຳໃຊ້ເຄື່ອງຈັກ
ທີ່ທັນສະໄໝ ເຂົ້າໃນການປັກດຳເຂົ້ານາປີ ທີ່ນາຂອງທ່ານ ສົມສັກ ຢູ່ບ້ານເພຍລາດ ເມືອງສັງທອງ ນະຄອນຫຼວງວຽງ
ຈັນ ໃນວັນທີ 4 ສິງຫາ 2014 ຜ່ານມາ.
ທ່ານ ສົມສັກ ໄດ້ກ່າວວ່າ: ວິທີການນຳໃຊ້ເຄື່ອງຈັກທີ່ທັນສະໄໝ ເຂົ້າໃນການຜະລິດປັກດຳເຂົ້ານາປີປີນີ້ ເຫັນວ່າເປັນ
ການປະຢັດແນວພັນເຂົ້າປະຢັດຕົ້ນທຶນ ແລະ ແຮງງານຖ້າສົມທຽບໃສ່ເຄື່ອງຈັກກົນກັບແຮງງານຄົນແລ້ວ 1 ເຮັກຕາ
ຈະໃຊ້ແຮງງານຄົນປັກດຳ 30-35 ຄົນຕໍ່ມື້ ໃຊ້ງົບປະມານມື້ລະ 60.000 ກີບຕໍ່ຄົນ ເທົ່າກັບ 2.100.000 ກີບຕໍ່ມື້ ເມື່ອ
ມານຳໃຊ້ເຄື່ອຈັກກົນປັກດຳ 1 ເຮັກຕາ ແມ່ນໃຊ້ແຮງງານພຽງແຕ່ 1-2 ຄົນຕໍ່ມື້ ໃຊ້ງົບປະມານພຽງແຕ່ 220.000 ກີບ
ລວມທັງຄ່ານ້ຳມັນໃຊ້ຈັກ ພ້ອມກັນນັ້ນ ຍັງສະດວກໃນການບົວລະບັດຮັກສາ ໄລຍະຫ່າງຂອງຕົ້ນເຂົ້າແມ່ນສະໝ່ຳສະ
ເໝີ ມີປະສິດທິພາບ ຜົນການຜະລິດໄດ້ຮັບລື່ນຈາກຄົນປັກດຳ 10-15% ເຊິ່ງການໃຊ້ເຄື່ອງກົນຈັກເຂົ້າໃນການຜະລິດນີ້
ຖືວ່າເປັນບົດຮຽນອັນໃໝ່ ໃນການປູກເຂົ້າຂອງເມືອງສັງທອງ.
ຂອບໃຈຂ່າວຈາກ: http://vientianemai.net/teen/khao/1/12406