ສຳນັກຂ່າວປະເທດຈີນ ລາຍງານເມື່ອວັນທີ 19 ມັງກອນ 2017 ຜ່ານມາວ່າ ບໍລິສັດແຫ່ງໜຶ່ງຢູ່ເມືອງໄຫ່ອັນ ມົນທົນຈຽງຊູ ໄດ້ທຸ້ມງົບຊື້ລົດເກັງ 21 ຄັນ ລວມມູນຄ່າ 3.3 ລ້ານຢວນ ມອບເປັນລາງວັນໃຫ້ກັບພະນັກງານດີເດັ່ນຝ່າຍຕ່າງໆ ປະຈຳປີ 2016 ຜ່ານມາຈຳນວນ 21 ຄັນ ເພື່ອຕອບແທນທີ່ແຕ່ລະຄົນຕັ້ງໃຈເຮັດວຽກ ແລະຂະຫຍາຍການພັດທະນາໃຫ້ບໍລິສັດ ເຊິ່ງແຕ່ລະຄົນຈະໄດ້ຮັບລົດເກັງ ຄົນລະ 1 ຄັນ

ທາງບໍລິສັດດັ່ງກ່າວເປີດເຜີຍວ່າ ສອງປີຜ່ານມາ ບໍລິສັດໄດ້ມອບລົດໃຫ້ກັບພະນັກງານດີເດັ່ນແລ້ວຫຼາຍກວ່າ 30 ຄົນ ແລະຄາດວ່າໃນປີ 201ຈ ນີ້ຈະມອບລາງວັນເປັນລົດອີກ 30 ຄັນ