ກົມປູກຝັ່ງ, ກະຊວງກະສິກຳ ແລະ ປ່າໄມ້ໃຫ້ຮູ້ວ່າ: ການຜະລິດເຂົ້ານາແຊງຂອງກະສິກອນທ້ອງຖິ່ນຕ່າງໆ ໃນລະດູແລ້ງນີ້ ນັບວ່າເປັນຂະບວນຟົດຟື້ນດີ, ຊຶ່ງມາຮອດປັດຈຸບັນທົ່ວປະເທດສາມາດປັກດຳສຳເລັດແລ້ວຫຼາຍກວ່າ 30 ພັນຮັກຕາ, ເທົ່າກັບ 34% ຂອງເນື່ອທີ່ແຜນການ 95 ພັນເຮັກຕາ, ພົ້ນເດັ່ນກວ່າໝູ່ແມ່ນບັນດາແຂວງພາກກາງສາມາດປັກດຳເປັນສ່ວນໃຫຍ່ແລ້ວ, ສ່ວນຂະແໜງກະສິກຳກໍໄດ້ນຳສົ່ງພະນັກງານວິຊາການຂອງຕົນ
ລົງຊຸກຍູ້ສົ່ງເສີມການຫັນມານຳໃຊ້ເຕັກນິກວິທະຍາການ ເຂົ້າໃນການຜະລິດໃຫ້ຫຼາຍຂຶ້ນ, ເພື່ອແນ່ໃສ່ຍົກສະມັດຕະພາບການຜະລິດ ໃຫ້ໄດ້ຕາມຄາດໝາຍແຜນການວາງໄວ້. ຄຽງຄູ່ກັບການປັກດຳແລ້ວຫຼາຍທ້ອງຖິ່ນກໍໄດ້ເລີ່ມລົງມືປູກພືດລະດູແລ້ງຢ່າງເປັນຂະບວນກວ້າງຂວາງ, ໂດຍການປູກພືດໄລຍະສັ້ນ, ປູກໄດ້ຫຼາຍຮອບວຽນເພື່ອຕອບສະໜອງຄວາມຕ້ອງການຂອງຕະຫຼາດພາຍໃນໄດ້ພຽງພໍ ແລະ ປັດຈຸບັນຂະແໜງການກ່ຽວຂ້ອງ ໄດ້ລົງປົວແປງລະບົບຊົນລະປະທານ ໃຫ້ຮັບປະກັນແກ່ການສະໜອງນ້ຳ ຮັບໃຊ້ການຜະລິດລະດູແລ້ງປີນີ້ໄດ້ພຽງພໍ
ຂ່າວ: ລາວພັດທະນາ