ສຳນັກຂ່າວເອເອຟຟີລາຍງານເມື່ອວັນທີ 22 ມັງກອນ 2017 ຜ່ານມາວ່າ ເຈົ້າໜ້າທີ່ກູ້ໄພອິນເດຍ ເລັ່ງຊ່ວຍເຫຼືອຊີວິດຜູ້ໂດຍສານທີ່ຕິດຢູ່ໃນຊາກລົດໄຟ, ຫຼັງຈາກທີ່ລົດໄຟຂະບວນດ່ວນພິເສດ 8 ຕູ້ ໄດ້ເດີນທາງລະຫວ່າງເມືອງຈັກດາລປູ ລັດສັດຕິສຄອນ ໄປຫານະຄອນບູບາເນສວາ ເມືອງເອກຂອງລັດໂອຣິສາ ໄດ້ປະສົບອຸປະຕິເຫດຕົກລາງ ຢູ່ເມືອງວິສຍະນາກາຣາມ ລັດອານທຳ ມີຜູ້ເສຍຊີວິດຢ່າງໜ້ອຍ 39 ຄົນ ບາດເຈັບອີກ 50 ຄົນ ໃນເວລາ 23:00 ໂມງຕາມເວລາທ້ອງຖິ່ນ
ເຈົ້າໜ້າທີ່ຄາດວ່າ ຍອດຜູ້ເສຍຊີວິດຈະເພີ່ມຂຶ້ນ ແລະເຈົ້າໜ້າທີ່ຊ່ວຍກັນລຳລຽງຜູ້ທີ່ລອດຊີວິດອອກມາທາງປ່ອງຢ້ຽມ
ທ່ານ ເຈ ພີ ມິຊຣາ ໂຄສົກຝ່າຍເດີນລົດໄຟ ອິສ ໂຄສ ເຣລເວ ໄດ້ບອກວ່າ ສາເຫດທີ່ລົດໄຟຕົກລາງນັ້ນ ຍັງບໍ່ສາມາດຄາດເດົາໄດ້ ແລະຍັງຢູ່ລະຫວ່າງການສືບສວນ, ສ່ວນຜູ້ໂດຍສານຕອນກຳລັງເກີດເຫດນັ້ນ ມີຫຼາຍກວ່າ 600 ຄົນ ເຊິ່ງຜູ້ທີ່ບໍ່ໄດ້ຮັບບາດເຈັບ ທາງການອິນເດຍຈະສົ່ງລົດເມ 10 ຄັນ ມາຮັບສົ່ງໄປຫາຈຸດໝາຍປາຍທາງຢູ່ນະຄອນເນສວາ, ສ່ວນເສັ້ນທາງການເດີນລົດໄຟເສັ້ນນີ້ຈະຖືກປິດບໍລິການຊົ່ວຄາວ