ເຮືອບິນຮົບຂອງອູແກຣນຖືກຍິງຕົກອີກ ໃນວັນພະຫັດ 7 ສິງຫາ 2014 ໃນຂະນະທີ່ກຳລັງບິນຢູ່ໃນລະດັບຕ່ຳ
ເໜືອພາກຕາເວັນອອກທີ່ຝ່າຍແບ່ງແຍກດິນແດນຍຶດຄອງຢູ່ ເຮັດໃຫ້ສະຖານະການສູ້ຮົບຍິ່ງດຸເດືອດຂຶ້ນ
ອີກ.
ສຳນັກຂ່າວຂອງຕ່າງປະເທດລາຍງານວ່າ ເຮືອບິນລຳນີ້ຕົກລົງສູ່ທົ່ງຫຍ້າແຫ່ງໜຶ່ງ ຫຼັງຈາກເກີດເຫດລະ
ເບີດກາງອາກາດ, ເຖິງຢ່າງໃດກໍຕາມ ພົບເຫັນນັກບິນດີດໂຕ ແລະ ກາງຈ້ອງລົງໃນພື້ນທີ່ ເຊິ່ງຢູ່ຫ່າງຈາກ
ແຂວງໂດເນດ ຖານທີ່ໝັ້ນຂອງກຸ່ມແບ່ງແຍກດິນແດນປະມານ 40 ກິໂລແມັດ.
ລາຍງານຂ່າວລະບຸອີກວ່າ ຫຼັງຈາກຕົກລົງສູ່ພື້ນແລ້ວ ຊາກຂອງເຮືອບິນຍັງຄົງມີໄຟລຸກໄໝ້ຢູ່ ແລະ ມີກຸ່ມ
ຄວັນປຸ້ມລອຍຂຶ້ນສູ່ເທິງຟ້າ, ໃນນັ້ນ ເຫັນນັກຮົບຂອງຝ່າຍໂດເນດ 2 ຄົນ ຢືນຢູ່ໃກ້ໆກັບທົ່ງຫຍ້າຈຸດທີ່ເຮືອ
ບິນສູ້ຮົບລຳດັ່ງກ່າວຕົກ.
ກອງທັບຂອງອູແກຣນ ໄດ້ສູນເສຍເຮືອບິນໄປແລ້ວຫຼາຍລຳ ໃນຊ່ວງເວລາເກືອບ 4 ເດືອນ ແຫ່ງການສູ້ຮົບ
ກັບຝ່າຍແບ່ງແຍກດິນແດນ ຫຼື ສາທາລະນະລັດປະຊາຊົນໂດເນດ ໂດຍໃນວັນພະຫັດ (7 ກໍລະກົດ) ທີ່ຜ່ານ
ມາ ພວກເຂົາໄດ້ຖະແຫຼງຍົກເລີກການຢຸດຍິງ ໃນບໍລິເວນຈຸດຕົກຂອງ MH17 ຫຼັງຈາກທີມຄະນະສືບສວນ
ຂອງສາກົນ ຕັດສິນໃຈລະງັບພາລະກິດກວດສອບ ເນື່ອງຈາກສະພາບການສູ້ຮົບທີ່ມີຂຶ້ນຢ່າງຕໍ່ເນື່ອງ