ສຳນັກຂ່າວຕ່າງປະເທດລາຍງານເມື່ອວັນທີ 12 ມັງກອນ 2016ຜ່ານມານີ້ວ່າ ສະຖາບັນສາລະສົນເທດສາດແຫ່ງຊາດຍີ່ປຸ່ນ ໄດ້ອອກມາເຕືອນປະຊາຊົນ ທີ່ມັກຖ່າຍຮູບຍົກສອງນິ້ວ ໃຫ້ລະມັດລະວັງຕົວ ຫຼັງຈາກມີຜົນການວິໄຈ ຢືນຢັນວ່າ ການເຮັດແບບນັ້ນ ອາດສ່ຽງຖືກມິດສາຊີບລັກລາຍນິ້ວມືໄດ້
ທ່ານ ອິຊາໂອະ ເອຈິເຊັນ ນັກວິໄຈຈາກສະຖາບັນສາລະສົນເທດສາດແຫ່ງຊາດຍີ່ປຸ່ນ ເຜີຍວ່າ ຈາກການທົດສອບທີມນັກວິໄຈສາມາດ ບັນທຶກລາຍນິ້ວມື ຈາກພາບທີ່ຖ່າຍໃນໄລຍະໄກຮອດ 3 ແມັດໄດ້ ເຊິ່ງເປັນໄລຍະທີ່ໄກກວ່າຊ່ວງແຂນຂອງເຮົາ, ນອກຈາກນີ້ບໍ່ວ່າໃຜ ກໍສາມາດລອກແບບລາຍນິ້ວມືໄດ້ງ່າຍດາຍ ເຊິ່ງບໍ່ຈຳເປັນຕ້ອງມີອຸປະກອນລະດັບສູງ ພຽງແຕ່ມີພາບຖ່າຍ ແລະສະພາບແສງເອື້ອອຳນວຍ ໃຫ້ເຫັນລາຍນິ້ວມືໄດ້ຢ່າງຊັດເຈນເທົ່ານັ້ນ
ແນວໃດກໍຕາມ ເຖິງແມ່ນວ່າການວິໄຈດັ່ງກ່າວຈະເປັນຕາຢ້ານ ແຕ່ທາງສະຖາບັນສາລະສົນເທດສາດແຫ່ງຊາດຍີ່ປຸ່ນ ກໍໄດ້ເຜີຍຕໍ່ວ່າ ຂະນະນີ້ ໄດ້ມີການພັດທະນາຟີມໃສ ທີ່ມີໄທເທນຽມອອກໄຊ ສຳລັບຕິດນິ້ວມື ເພື່ອປ້ອງກັນພວກໂຈນລັກລາຍນິ້ວມືໄດ້ແລ້ວ ແຕ່ຍັງບໍ່ພ້ອມທີ່ຈະອອກວາງຂາຍເທື່ອ
ແຫຼ່ງຂ່າວ: http://news.mthai.com/world-news/543627.html