ບັນຫາເສັ້ນເລືອດຂອດ ຈະປາກົດໃຫ້ເຫັນວ່າ ຫຼອດເລືອດດຳໃຫຍ່ພອງ, ມັນຈະພອງໃຫຍ່ຂຶ້ນມາ ເຊິ່ງຈະພົບກັບຜູ້ຍິງສ່ວນຫຼາຍ ໂດຍສະເພາະເມື່ອອາຍຸຫຼາຍຂຶ້ນ, ເຖິງແມ່ນຈະເປັນບັນຫາທີ່ພົບເຫັນໄດ້ຕະຫຼອດ ແຕ່ມື້ນີ້ເຮົາມີວິທີດີໆ ທີ່ຄວນປະຕິບັດ ເພື່ອປ້ອງກັນບັນຫາເສັ້ນເລືອດຂອດດັ່ງນີ້:
- ໝັ່ນອອກກຳລັງກາຍຢ່າງສຳໝໍ່າສະເໝີ: ເພື່ອໃຫ້ເລືອດມີການໄຫຼວຽນໄດ້ດີຂຶ້ນ ແລະຄວນຍ່າງຕະຫຼອດ, ບໍ່ຄວນນັ່ງ ຫຼືຢືນດົນໆ, ຫາກເຮັດວຽກໃນຫ້ອງການ ກໍຄວນຫາເວລາຍ່າງໄປເຮັດກິດຈະກຳອື່ນຕະຫຼອດ ບໍ່ຄວນນັ່ງເຮັດວຽກໃນໜ້າຈໍຄອມຢ່າງດຽວ
- ຄວບຄຸມນໍ້າໜັກ: ໃຫ້ຢູ່ໃນເກນທີ່ເໝາະສົມສຳລັບຮ່າງກາຍ, ບໍ່ຕຸ້ຍຫຼາຍຈົນເກີນໄປ ເພື່ອບໍ່ໃຫ້ຮ່າງກາຍແບກຮັບນໍ້າໜັກຫຼາຍເກີນໄປ, ຄວນກິນຜັກໃຫ້ຫຼາຍຂຶ້ນ, ຫຼີກລຽງອາຫານທີ່ລົດຊາດເຄັມ ທີ່ເຮັດໃຫ້ເກີດອາການບວມໄດ້
- ໃສ່ເກີບ: ການໃສ່ເກີບກໍຄວນໃສ່ສົ້ນເຕ້ຍ ຫຼືສົ້ນບໍ່ສູງເກີນໄປ ແລະໃສ່ເຄື່ອງນຸ່ງ, ໂສ້ງ, ເສື້ອທີ່ສະບາຍ ເພື່ອເຮັດໃຫ້ເລືອດໄຫຼວຽນສະດວກ
- ໝັ່ນຍົກຂາຂຶ້ນສູງ: ຄວນເຮັດຄັ້ງລະ 10-15 ນາທີ ເວລານອນຄວນເອົາຜ້າມາຮອງບໍລິເວນແຄ່ງ ໃຫ້ສູງກວ່າຫົວໃຈ
- ພະຍາຍາມຫຼຸດການນັ່ງໄຂວ່ຫ້າງ: ເພາະການນັ່ງໄຂວ່ຫ້າງ ຈະເຮັດໃຫ້ເລືອດໄຫຼວຽນບໍ່ໄດ້ດີເທົ່າທີ່ຄວນ
- ໝັ່ນບໍລິຫານຂໍ້ຕີນ: ໃນຂະນະທີ່ນັ່ງຢູ່ນັ້ນ ໃຫ້ບໍລິຫານຂໍ້ຕີນ ດ້ວຍການຢຽດຕີນ ແລະຖົກຕີນສະລັບກັນ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ