ສຳນັກຂ່າວຕ່າງປະເທດລາຍງານເມື່ອວັນທີ 11 ມັງກອນ 2017 ຜ່ານມາວ່າ ໄດ້ມີການເຜີຍແຜ່ພາບຫຼ້າສຸດຂອງ ອາບຸນ ບາຈານດາ ຊາຍໜຸ່ມບັງກາລາເທດ ອາຍຸ 27 ປີ ທີ່ເຂົ້າຮັບການປິ່ນປົວ ອາກາດປ່ວຍປະຫຼາດ ທີ່ເອີ້ນວ່າ “ພະຍາດມະນຸດຕົ້ນໄມ້” ດ້ວຍວິທີການຜ່າຕັດ 16 ຄັ້ງ ຈົນເຮັດໃຫ້ເຂົາກັບມາໃຊ້ຊີວິດປົກກະຕິຄືກັບຄົນທຳມະດາ
ເຊິ່ງພາບດັ່ງກ່າວໄດ້ເຜີຍໃຫ້ເຫັນວ່າ ອາບຸນ ມີໃບໜ້າຍິ້ມແຍ້ມແຈ່ມໃສ ເມື່ອມືທັງສອງຂ້າງບໍ່ມີຕຸ່ມ ທີ່ເປັນອາການຂອງພະຍາດທີ່ເປັນຄືຮາກຕົ້ນໄມ້, ເນື່ອງຈາກທີມແພດ ໄດ້ຜ່າຕັດເອົາເນື້ອສ່ວນເກີນອອກໄປ 5 ກິໂລ ກ່ອນທີມແພດໄສຍະກຳຈະຊ່ວຍຕົບແຕ່ງຂະໜາດຂອງມືໃຫ້ບາງລົງ
ອາບຸນ ເວົ້າວ່າ ລາວຮູ້ສຶກດີໃຈຫຼາຍ ທີ່ກັບມາມີຊີວິດປົກກະຕິອີກຄັ້ງ ແລະຈະໄດ້ອູ້ມລູກສາວອາຍຸ 3 ປີ, ເຊິ່ງລາວມີຄວາມກັງວົນໃຈ ເພາະຢ້ານພະຍາດດັ່ງກ່າວ ຖ່າຍທອດໄປສູ່ລູກຂອງລາວ
ສຳລັບອາການປ່ວຍນີ້ ເອີ້ນວ່າ ພະຍາດ Epidermodysplasia Verruciformis ຖືວ່າເກີດຂຶ້ນໄດ້ຍາກຫຼາຍ ເພາະມີຜູ້ປ່ວຍພະຍາດນີ້ພຽງແຕ່ 4 ຄົນເທົ່ານັ້ນທີ່ເຄີຍເປັນພະຍາດນີ້ ເຊິ່ງອາການຈະເລີ່ມຜິດປົກກະຕິບໍລິເວນຜິວໜັງ ຈາກນັ້ນຈະເຮັດໃຫ້ມີສິ່ງທີ່ຄ້າຍຄືກັບຮາກໄມ້ອອກມາຈາກມື ແລະຕີນຈົນຄືກັບຕົ້ນຳມ້ຄືດັ່ງທີ່ເຫັນ