ເສດຖີຮົງກົງ ປະກາດໃຫ້ສິນສອດ ເປັນເງິນ 180 ລ້ານດອນລາສະຫະລັດ ໃຫ້ຜູ້ຊາຍທີ່ແຕ່ງງານກັບລູກສາວ

0
6300

ສຳນັກຂ່າວຕ່າງປະເທດລາຍງານເມື່ອວັນທີ 11 ມັງກອນ 2017 ຜ່ານມາວ່າ ຊີຊິນ ຈ້າວ ນັກທຸລະກິດພັນລ້ານຂອງຮົງກົງ ສະເໜີສິນສອດ 180 ລ້ານດອນລາສະຫະລັດ ໃຫ້ກັບຜູ້ຊາຍທີ່ຈະແຕ່ງງານກັບ ຈີຈີ ຈ້າວ ລູກສາວເຊິ່ງມີລົດສະນິຍົມທາງເພດແບບ ຜູ້ຍິງຮັກຜູ້ຍິງ (ເລສບ້ຽນ)

ເຊິ່ງການປະກາດຄັ້ງນີ້ ບໍ່ແມ່ນເປັນຄັ້ງທຳອິດ ເພາະກ່ອນໜ້ານີ້ ຊີຊິນ ປະກາດຕໍ່ສາທາລະນະຊົນ ແຕ່ປີ 2012 ວ່າຈະສະເໜີສິນສອດ ເຊິ່ງເປັນເງິນສົດ ແລະຊັບສິນລວມ 60 ລ້ານດອນລາ ໃຫ້ຜູ້ຊາຍທີ່ສາມາດ ເຮັດໃຫ້ລູກສາວກັບມາເປັນຜູ້ຍິງຄືເກົ່າ ເຖິງແມ່ນວ່າຈະສະເໜີເງິນມູນຄ່າມະຫາສານ ແຕ່ກັບບໍ່ມີຜູ້ຊາຍຄົນໃດຮັບເງື່ອນໄຂດັ່ງກ່າວ

ເສດຖີໃຫຍ່ ບໍ່ຍອມທໍ້ຖອຍ ຕໍ່ມາປີ 2014 ປະກາດເພີ່ມສິນສອດໃຫ້ຊາຍທີ່ຮັບເງື່ອນໄຂດັ່ງກ່າວໄດ້ ໂດຍເພີ່ມເງິນເປັນ 120 ລ້ານດອນລາສະຫະລັດແຕ່ກໍບໍ່ມີໃຜຮັບຂໍ້ສະເໜີດັ່ງກ່າວ, ມາຮອດປີ 2017 ປະກາດເພີ່ມສິນສອດເປັນ 3 ເທົ່າຂອງຄັ້ງທຳອິດ ເປັນ 180 ລ້ານດອນລາສະຫະລັດ