ສຳນັກຂ່າວປະເທດຈີນລາຍງານ ເມື່ອວັນທີ 9 ມັງກອນ 2017 ຜ່ານມາວ່າ ເວລາປະມານ 14:11 ໂມງ ເຈົ້າທີ່ໜ້າຕຳຫຼວດ ແລະດັບເພີງ ເມືອງອັນຢາງ ມົນທົນເຫີ້ໜານ ໄດ້ຮັບແຈ້ງວ່າ ມີແມ່ຍິງຄົນໜຶ່ງ ອາຍຸ 20 ປີ ຕົກລົງໄປໃນຂຸມທີ່ມີເສັ້ນຜ່າສູນກາງ 50 ຊັງຕີແມັດ ເລິກປະມານ 20 ແມັດ ໃນບ້ານສື່ເກົາ ເຊິ່ງເຈົ້າໜ້າທີ່ເລັ່ງຊ່ວຍເຫຼືອສຸດຊີວິດ
ຕາມມການລາຍງານບອກວ່າ ເຈົ້າໜ້າທີ່ ເມື່ອຍຈົນເປັນລົມໝົດສະຕິ ຫຼັງຈາກຊ່ວຍເຫຼືອຍິງຄົນດັ່ງກ່າວຂຶ້ນມາໄດ້ ເພາະຕ້ອງໃຊ້ເຊືອກມັດຕົວເອງ ແລ້ວຫ້ອຍຫົວລົງໄປໃນຂຸມ ເພື່ອໃຊ້ເຊືອກອີກເສັ້ນໄປມັດຮອບໂຕ ແມ່ຍິງຄົນດັ່ງກ່າວ ແລ້ວດຶງລາວຂຶ້ນມາ ແຕ່ຄັ້ງທຳອິດບໍ່ສຳເລັດ ຈຶ່ງຕ້ອງໄດ້ລົງໄປອີກຄັ້ງ
ແນວໃດກໍຕາມ ແມ່ຍິງຄົນດັ່ງກ່າວ ແລະເຈົ້າໜ້າທີ່ລົງໄປຊ່ວຍເຫຼືອນັ້ນ ຖືກນໍາສົ່ງໄປໂຮງໝໍ ແລະປອດໄພທັງສອງ