ນັກບູຮານຄະດີ ໄດ້ມີການຄົ້ນພົບກະດູກສ່ວນຫົວ ທີ່ອາດຈະເປັນຂອງພຣະສັມມາສັມພຸທທະເຈົ້າ ກະດູກດັ່ງກ່າວຖືກເຊື່ອງໄວ້ຢູ່ທີອູບ ໃນອູບ ຫລືແທ່ນບູຊາທີ່ໃຊ້ສຳລັບນັ່ງສະມາທິ
ທິມວິໄຈພົບອູບ ຈຳລອງອາຍຸ 1,000 ປີ ພາຍໃນຫິບຫິນໃນສຸສານໃຕ້ດິນ ທີ່ວັດພຸທ ໃນເມືອງ ໜານຈິງ ຫລືນານກິງ ສ.ປ ຈີນ ພາຍໃນພຣະທາຕຸ ນັກບູຮານຄະດີພົບອັດຖິຂອງພຣະພິກຂຸ ເຊິ່ງລວມທັງກະດູກດ້ານຂ້າງຂອງກະໂຫລກຫົວ ທີໃນຈາກຣຶກໄດ້ກ່າວວ່າ ເປັນຂອງພຣະພູທທະເຈົ້າ .
ອູບຈຳລອງ ເຮັດດ້ວຍໄມ້ຈັນ ຂະໜາດຄວາມສູງ 117 ຊມ , ກວ້າງ 45 ຊມ ມີສີເງິນ ແລະສີຄຳ ແລະປະດັບປະດາດ້ວຍອັນຍະມະນີ ທີເຮັດດ້ວຍ ເພັດນິນຈິນດາຕ່າງໆ
ຈາຣຶກທີ່ຢູ່ໃນແຜ່ນຫິນ ໄດ້ບອກວ່າ ພຣະອູບຈຳລອງນີ້ສ້າງຂຶ້ນໃນໄລຍະສະໄຫມຂອງຈັກກະພັດ Zhenzong (ຄສ 997-1022) ໃນສະໄຫມຣາຊວົງຊົ້ງ ນອກຈາກນີ້ຍັງມີການຈາຣຶກ ບັນດາຊື່ຂອງຜູ້ຄົນທີ່ບໍລິຈາກເງິນແລະວັດຖຸ ລວມທັງຊື້ຂອງຄົນທີ່ສ້າງພຣະອຸບໄວ້ດ້ວຍ .
ໃນຂະນະທີ່ຈາຣຶກບອກວ່າກະດູກກະໂຫລກຫົວເປັນຂອງພຣະພູທທະເຈົ້າ ແຕ່ບໍ່ມີຫລັກຖານຢືນຢັງວ່າເປັນພຣະພຸທທະເຈົ້າແທ້ ຫລື ບໍ່ ນັກບູຮານຄະດີບໍ່ໄດ້ໃຫ້ຄວາມເຫັນໃນເລື່ອງນີ້ແຕ່ຢ່າງໃດ ກະດູກດັ່ງກ່າວຖືກປະຕິບັດດ້ວຍຄວາມເຄົາລົບດັ່ງສູງແລະໄດ້ຮັບການຝັງຢູ່ໃນວັດຊີເຊຍ ໃນເມືອງໜານຈິງ ໂດຍພຣະພິກຂຸສົງທັງຫລາຍ .
ໃນຈາຣຶກ ໄດ້ກ່າວໄວ້ວ່າ ພາຍຫລັງຈາກການຖວາຍພຣະເພິງພຣະສະຣິຣະຂອງພຣະສັມມາສັມພຸທທະເຈົ້າແລ້ວ ພຣະເຈົ້າອະໂສກມະຫາຣາຊ ໄດ້ໂປຣດໃຫ້ນຳພຣະບໍຣົມສາຣີຣິກະທາຕຸທັງຫມົດກະຈາຍໄປບັນຈຸອູບ ໃນເຈດີຫລືພຣະທາຕຸ ຈຳນວນ ທັງຫມົດ 84,000 ພຣະທາຕຸ ສ່ວນປະເທດຈີນ ໄດ້ຮັບມາຈຳນວນ 19 ພຣະທາຕຸ ລວມທັງອັນທີ່ໄດ້ບັນຈຸພຣະທາຕຸສ່ວນກະໂຫລກຫົວເອົາໄວ້ດ້ວຍ .
ວັດທີ່ໄດ້ເກັບຮັກສາພຣະທາຕຸໄວ້ຖືກທຳລາຍໃນລະຫວ່າງສົງຄາມເມື່ອ 1,400 ປີກ່ອນ ແຕ່ໄດ້ບູຣະນະຂຶ້ນມາໃຫມ່ ໂດຍຈັກກະພັດ Zhenzong ແລະພຣະອົງໄດ້ສັ່ງໃຫ້ຝັງພຣະທາຕຸໄວ້ໃນສຸສານໃຕ້ດິນດ້ວຍ .
Qi Haining ຫົວຫນ້າພິພິຕະພັນນານຈິງ ກວ່າວ່າອູບ ໃນ ພຣະທາຕຸຈຳລອງນີ້ ມີຄວາມພິເສດຫລາຍ ເນື່ອງຈາກວ່າເປັນພຽງພຣະທາຕຸດຽວ ທີ່ມີພຣະທາຕຸສ່ວນກະໂຫລກຫົວທີ່ບັນຈຸຢູ່ດ້ວຍ .
ຮູບພາບ ແລະ ຂ່າວຈາກເພຈ : http://www.takieng.com/stories/1090
ຕິດຕາມຂ່າວເສດຖະກິດລາວ ກົດໄລຄ໌ເລີຍ!