ຖ້າໃຜໄດ້ໄປທ່ຽວທີ່ດອນເດດ ຕ້ອງໄດ້ພົບສັດເຈົ້າຖິ່ນ ທີ່ປຽບເໝືອນ (Logo) ການທ່ອງທ່ຽວໃນເຂດນັ້ນ ເຊິ່ງສັດທີ່ວ່ານັ້ນກໍ່ຄື “ຄວາຍ”…ອຶ່ມ!…. ອ່ານບໍ່ຜິດດອກແຟນເພສ ເພາະມັນແມ່ນຄວາຍອີຫຼີ
ຄວາຍ ເປັນສັດຄູ່ຊາວນາມາແຕ່ສະໃໝ່ສະບູຮານ ແຕ່ຍ້ອນການເວລາໄດ້ປ່ຽນ ປັດຈຸບັນມີເຄື່ອງຈັກທັນສະໃໝ່ທີ່ເຂົ້າມາເຮັດນາແທນຄວາຍ ແລະ ຄວາຍກໍ່ເລີຍຖືກຂາຍເຂົ້າໂຮງງານຂ້າສັດ ຈົນເຮັດໃຫ້ປັດຈຸບັນນີ້ແຖບຈະບໍ່ເຫັນຊາວນາໃຊ້ຄວາຍໄຖນາເລີຍ
ເຊິ່ງຄວາຍທີ່ອາໃສຢູ່ດອນເດດ ປັດຈຸບັນໄດ້ຮັບຄວາມສົນໃຈຫຼາຍຈາກນັກທ່ອງທ່ຽວຊາວຕ່າງຊາດ ເພາະຄວາຍບ່ອນນັ້ນ ເປັນຄວາຍທີ່ໃຈດີ ຜູ້ຄົນເຂົ້າໃກ້ຈັບບາຍໄດ້ງ່າຍ ແລະ ທີ່ສຳຄັນມັກນອນອາບແດດອີກຕາງຫາກ ເຊິ່ງເຮົາກໍ່ຈະເຫັນພາບນັກທ່ອງທ່ຽວນອນອາບແດດກັບຄວາຍ, ນອນອາບນ້ຳ ແລະ ຖ່າຍຮູບກັບຄວາຍຢ່າງມີຄວາມສຸກ ອຶ້ມ… ເມື່ອເຫັນແບບນີ້ແລ້ວກໍ່ເປັນພາບທີ່ໜ້າຮັກ ແລະ ກໍ່ແປກໄປອີກແບບ ເພາະປົກກະຕິແລ້ວ ເຮົາກໍ່ຈະເຫັນແຕ່ຊ້າງ ຫຼື ສັດປະເພດອື່ນ ທີ່ຢູ່ໃນສະຖານທີ່ທ່ອງທ່ຽວ ແຕ່ນີ້ຄືຄວາຍ ແລະ ມີສິ່ງໜຶ່ງທີ່ແອັດມິນຄິດໄດ້ວ່າ ຄວາຍກໍ່ສາມາດນຳມາເປັນຈຸດຂາຍໃນການທ່ອງທ່ຽວໄດ້ເຊັ່ນດຽວກັນ ຍົກຕົວຢ່າງເຊັ່ນ: ຂີ່ຄວາຍຊົມເມືອງ, ຈັດການແຂ່ງຂັນຄວາຍແລ່ນແຂ່ງກັນ ແລະ ອື່ນໆ (ແອັດຄິດຫຼິ້ນໆເດີ້) ເພາະນອກຈາກຈະສ້າງສີສັນໃຫ້ກັບສະຖານທີ່ທ່ອງທ່ຽວແລ້ວ ຍັງເປັນການອະນຸລັກຄວາຍລາວໄວ້ອີກດ້ວຍ.
ຮູບພາບປະກອບຈາກ: ທ່ອງທ່ຽວລາວ Laos Travelling
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!