ຫຼັງຈາກທີ່ປະເທດຈີນມີແຜນຈະເປີດໃຊ້ຖະໜົນວົງແຫວນທີ່ສູງທີ່ສຸດໃນໂລກຢູ່ຕິເບດ ໃນເດືອນມິຖຸນາ ປີ 2017 ນີ້ຫາກການກໍ່ສ້າງສໍາເລັດສົມບູນ, ຫຼ້າສຸດ ສໍານັກຂ່າວ CRI ລາຍງານເມື່ອວັນທີ 9 ມັງກອນ 2017 ນີ້ວ່າ ຖະໜົນແຫ່ງນີ້ມີການເປີດທົດລອງໃຫ້ໃຊ້ບາງສ່ວນຂອງຖະໜົນແລ້ວ
ຖະໜົນວົງແຫວນ ທີ່ສູງທີ່ສຸດໃນໂລກຕັ້ງຢູ່ທີ່ ນະຄອນລາຊາ ເມືອງຫຼວງຂອງເຂດປົກຄອງຕົນເອງຕິເບດ ມີຄວາມຍາວ 75 ກິໂລແມັດ ປະກອບດ້ວຍ 7 ອຸມົງ ແລະມີຂົວ 27 ຂົວ ເລີ່ມກໍ່ສ້າງຕັ້ງແຕ່ເດືອນຕຸລາ 2015 ເຊິ່ງການກໍ່ສ້າງຖະໜົນນີ້ ເພື່ອເປັນການຫຼຸດຄວາມໜາແໜ້ນແອອັດຂອງການຈະລາຈອນ ເຮັດໃຫ້ໃຊ້ເວລາໃນການເດີນທາງຮອບເມືອງໜ້ອຍກວ່າ 2 ຊົ່ວໂມງ
ເຊິ່ງ ຈີນໄດ້ໃຊ້ງົບປະມານ ການກໍ່ສ້າງຂົວຫຼາຍຮອດ 11.3 ພັນລ້ານຢວນ ຫຼືປະມານ 1.62 ພັນລ້ານດອນລາສະຫະລັດ