spot_img
Homeນານາສາລະເປືອກໝາກກ້ຽງ ແກ້ກົດໄຫຼກັບ ຫຼຸດອາການນອນບໍ່ຫຼັບ

ເປືອກໝາກກ້ຽງ ແກ້ກົດໄຫຼກັບ ຫຼຸດອາການນອນບໍ່ຫຼັບ

Published on

ໝາກກ້ຽງ ເປັນໝາກໄມ້ ທີ່ມີລົດຊາດສົ້ມຫວານ ທີ່ເຮົາເອົາມາເຮັດເປັນເຄື່ອງດື່ມ ຫຼືກິນເປັນໝາກໄມ້ໃຫ້ຄວາມສົດຊື່ນໄດ້, ແຕ່ຫຼາຍຄົນມັກກິນໝາກກ້ຽງແລ້ວ ເອົາເປືອກຖິ້ມ ແຕ່ຮູ້ບໍວ່າ ເປືອກທີ່ເຮົາຖິ້ມນັ້ນມີປະໂຫຍດຫຼາຍຢ່າງ

  1. ບຳລຸງແຂ້ວ ແລະກະດູກ: ຈາກການສຶກສາຂອງ Purdue University ເຫັນວ່າໃນເປືອກໝາກກ້ຽງ ປະມານ 100 ກຣາມ ຈະມີປະລິມານແຄວຊຽມສູງຮອດ 161 ມິນລີກຣາມ ເຊິ່ງຊ່ວຍບຳລຸງກະດູກ ແລະແຂ້ວໄດ້
  2. ຊ່ວຍຫຼຸດອາການຕຶງຄຽດ: ກິ່ນສົ້ມເປັນກິ່ນຊິຕຣັສ ທີ່ມີຄຸນສົມບັດເດັ່ນໃນການຊ່ວຍຜ່ອນຄາຍລະບົບປະສາດຂອງຮ່າງກາຍ, ດ້ວຍການເອົາເປືອກໝາກກ້ຽງມາຄັ້ນໃຫ້ນໍ້າມັນຫອມລະເຫີຍໃນເປືອກໝາກກ້ຽງໄຫຼອອກ, ຈາກນັ້ນສາມາດເອົາມາດົມເພື່ອເພີ່ມຄວາມສົດຊື່ນ ຫຼືເອົາໄປນວດແກ້ອາການປວດເມື່ອຍຕາມຮ່າງກາຍໄດ້
  3. ຫຼຸດອາການນອນບໍ່ຫຼັບ: ກິ່ນຊິຕຣັສ ຈາກນໍ້າມັນຫອມລະເຫີຍ ໃນເປືອກໝາກກ້ຽງ ມີຜົນຕໍ່ການເຮັດວຽກຂອງລະບົບປະສາດ ແລະສະໝອງ ເຊິ່ງມີລິດຄ້າຍຄືຢາກ່ອມປະສາດ ຊ່ວຍໃຫ້ສະໝອງຜ່ອນຄາຍ ແລະນອນຫຼັບດີ
  4. ບໍາລຸງສາຍຕາ: ເບຕ້າແຄໂຣທີນ ແລະວິຕາມິນເອ ເປັນສານອາຫານທີ່ຊ່ວຍບຳລຸງສາຍຕາໄດ້
  5. ເປືອກໝາກກ້ຽງຮັກສາສິວ ແລະຜິວອັກເສບ: ເປືອກໝາກກ້ຽງມີນໍ້າມັນຫອມລະເຫີຍຫຼາຍຊະນິດ ທັງຊິຕຣັລ, ເຈີຣານິອອລ ແລະໄລນາໂລອອລ ທີ່ມີສ່ວນຊ່ວຍທຳຄວາມສະອາດ ໂດຍສະເພາະບ່ອນທີ່ເປັນສິວ ຫຼືມີສິວອັກເສບຍ້ອນມີສິ່ງເປິເປື້ອນຖືກໃບໜ້າ, ດ້ວຍການເອົາເປືອກໝາກກ້ຽງມາລ້າງສະອາດ ແລ້ວເອົາໄປບົດລະອຽດ ປະສົມກັບນໍ້າຕົ້ມເລັກໜ້ອຍແລ້ວເອົາມາທາໃສ່ບ່ອນມີສິວ ຫຼືພອກໜ້າບ່ອນທີ່ມີສິວອັກເສບປະໄວ້ 20-30 ນາທີ ແລ້ວລ້າງອອກ ອາການອັກເສບຈະຄ່ອຍໆດີລົງ
  6. ແກ້ກົດໄຫຼກັບ: ຜົນການສຶກສາຂອງ University of Michigan Health System ບອກວ່າ ຫາກເອົາເປືອກໝາກກ້ຽງມາຕາກໃຫ້ແຫ້ງປະມານ 1-2 ກຣາມ ມາຕົ້ມກັບນໍ້າ 3 ຖ້ວຍ ແລ້ວເອົາມາກິນ ຈະຊ່ວຍແກ້ອາການອາຫານບໍ່ຍ່ອຍ ຫຼືກົດໄຫຼກັບໄດ້, ເພາະເປືອກໝາກກ້ຽງມີ ສານໂພລີແຊກຄາໄລ ຊະນິດທີ່ບໍ່ລະລາຍນໍ້າ ທີ່ສາມາດກະຕຸ້ນການຍ່ອຍອາຫານ ແລະຍັງມີສານແທນນິນ ແລະເຮມິເຊລລູໂລສ ທີ່ຊ່ວຍຫຼຸດກົດຫຼາຍໃນກະເພາະອາຫານ, ຊ່ວຍຢັບຢັ້ງການຍ່ອຍອາຫານໃຫ້ສະດວກຂຶ້ນ ບໍ່ທ້ອງອືດອີກຕໍ່ໄປ
  7. ຕ້ານເຊວມະເຮັງ: ເບຕ້າແຄໂຣທີນ ໃນເປືອກໝາກກ້ຽງສາມາດປ່ຽນເປັນວິຕາມິນເອ ທີ່ຊ່ວຍກະຕຸ້ນການເຮັດວຽກຂອງລະບົບພູມຄຸ້ມກັນໄດ້ ແລະເບຕ້າແຄໂຣທີນ ເປັນສານຕ້ານອະນູມູນອິດສະລະ ເຊິ່ງສາມາດປ້ອງກັນກາຍຂະຫຍາຍພັນຂອງຮ່າງກາຍ ຫຼືປ້ອງກັນເຊວຈາກການຖືກທຳລາຍ ຫຼຸດໂອກາດສ່ຽງທີ່ເຊວໃນຮ່າງກາຍຈະກາຍເປັນເຊວມະເຮັງໄດ້

ສໍາລັບການກິນເປືອກໝາກກ້ຽງນີ້ ຫຼາຍຄົນບໍ່ກ້າກິນເພາະມີລົດຊາດຂົມ ດັ່ງນັ້ນວິທີທີ່ງ່າຍທີ່ສຸດຄື ເອົາເປືອກໝາກກ້ຽງໄປຈີ່ຈົນສຸກ ເຊິ່ງຈະເຮັດໃຫ້ເປືອກໝາກກ້ຽງຫອມ, ລົດຊາດຂົມກໍຫຼຸດລົງ ແລ້ວກິນງ່າຍຂຶ້ນ ເຊິ່ງຈະເອົາເປືອກໝາກກ້ຽງປາດເປັນປ່ຽງນ້ອຍໆ ປະສົມກັບນໍ້າສະລັດ ຫຼືໂຮຍໃສ່ໜ້າອາຫານທີ່ເຮົາມັກກໍໄດ້, ແຕ່ການກິນໝາກກ້ຽງ ຫຼືເປືອກໝາກໄມ້ຊະນິດໃດກໍຕາມ ຢ່າລືມລ້າງໃຫ້ສະອາດ ແລະແນ່ໃຈວ່າປອດສານພິດກ່ອນຈຶ່ງຄ່ອຍກິນ
ຕິດຕາມນານາສາລະ ກົດໄລຄ໌ເລີຍ!

ບົດຄວາມຫຼ້າສຸດ

ຮຽນວາງຢາພິດໂດຍຖາມ ChatGPT ສາວອາເມລິກາໃຊ້ເວລາສຶກສາກວ່າ 3 ເດືອນ ເພື່ອວາງຢາຜົວ ສຸດທ້າຍຖືກເຈົ້າໜ້າທີ່ກັກໂຕ

ມີລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາທີ່ລັດໂຄໂລໄລນາ, ສະຫະລັດອາເມລິກາ ເຈົ້າໜ້າທີ່ໄດ້ເຂົ້າກັກໂຕຍິງ ອາຍຸ 43 ປີ ໃນຂໍ້ຫາພະຍາຍາມຈົບຊີວິດຜົວຂອງຕົນເອງ ໂດຍການໃຊ້ສານປົນເປື້ອນໃນອາຫານ ແລະ ເຄື່ອງດື່ມ. ຈາກການສືບສວນຂອງເຈົ້າໜ້າທີ່ໄດ້ຮູ້ວ່າ ໃນລະຫວ່າງ...

ໄລຍະ 3 ເດືອນ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ສາມາດດຶງດູດການລົງທຶນໄດ້ 1 ຕື້ກວ່າໂດລາ

ທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ປະທານຄະນະກຳມະການສົ່ງເສີມ ແລະ ຄຸ້ມຄອງການລົງທຶນ ໄດ້ລົງຊີ້ນຳວຽກງານ ຫ້ອງການ ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ. ໃນຕອນເຊົ້າຂອງ ວັນທີ 13...

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...