ວຽກງານບົ່ງບອກເຖິງຄຸນນະພາບຂອງຊີວິດ ແລະຖານະທາງສັງຄົມທີ່ດີ ຈຶ່ງເຮັດໃຫ້ຄົນສ່ວນຫຼາຍຕ້ອງໄດ້ເຮັດວຽກ, ການເຮັດວຽກນັ້ນຈະຫຍຸ້ງຍາກ ຫຼືມີອຸປະສັກພຽງໃດກໍຕາມ ເຮົາຕ້ອງສ້າງແຮງບັນດານໃຈໃຫ້ກັບຕົນເອງ ເພື່ອເຮັດໃຫ້ເຮົາໄດ້ເຮັດວຽກໃນມື້ນັ້ນຢ່າງມີຄວາມສຸກ
- ການອອກຈາກເຮືອນໃຫ້ໄວທີ່ສຸດ: ເປັນການສ້າງວິໄນ ແລະຖ້າເຮັດໄດ້ກໍສ້າງຄວາມສຸກໃຫ້ແກ່ຄົນທີ່ເຮັດວຽກນຳຫ້ອງການທັງຫຼາຍ, ການຝຶກຕົນເອງໃຫ້ຕື່ນເຊົ້າສຳລັບຫຼາຍໆຄົນ ອາດເປັນເລື່ອງຍາກ ແຕ່ກໍຄວນຝຶກຕົນເອງ ເພື່ອເຮັດໃຫ້ເຮົາເຮັດວຽກໃນມື້ນັ້ນຢ່າງມີຄວາມສຸກ
- ທັກທາຍໝູ່ເພື່ອນໃນຕອນເຊົ້າ: ເລີ່ມຕົ້ນດ້ວຍການທັກທາຍໝູ່ເພື່ອນໃນຕອນເຊົ້າ ດ້ວຍການເວົ້າ ສະບາຍດີ ແລ້ວກໍຍິ້ມ ເຈົ້າກໍຈະໄດ້ຮອຍຍິ້ມນັ້ນກັບມາເຊັ່ນກັນ ແລະຈະເຮັດໃຫ້ບັນຍາກາດໃນມື້ນັ້ນມີຄວາມສຸກກັບການເຮັດວຽກໝົດມື້
- ສ້າງຄວາມສຳພັນ: ຄວາມມີມະນຸດສຳພັນດີ ເລີ່ມຕົ້ນດ້ວຍການກ່າວທັກທາຍ, ການສະແດງຄວາມເປັນມິດກັບທຸກຄົນ ທັງຄົນທີ່ຮູ້ຈັກ ແລະບໍ່ຮູ້ຈັກ, ລວມເຖິງການສະແດງຄວາມເປັນຫ່ວງ, ສະແດງກິລິຍາທ່າທາງ ແລະການໃຊ້ເວົ້າຈາທີ່ສ້າງຄວາມຄຸ້ນເຄີຍ, ການຮັກສາຄວາມສຳພັນອັນດີງາມ ຖືເປັນການເລີ່ມຕົ້ນທີ່ດີ
- ຢ່າຕຳໜິບໍສິສັດທີ່ເຮັດຢູ່: ທຸກໆບໍລິສັດຍ່ອມມີບັນຫາ ແລະອຸປະສັກ ແຕ່ຖ້າເຮົາບໍ່ມີຄວາມຮູ້ສຶກຜູກພັນກັບບໍລິສັດນັ້ນ ຄວາມຮູ້ສຶກຂອງຄຳວ່າ “ທົນຢູ່” ຈະເກີດຂຶ້ນທັນທີ, ຢ່າເຮັດວຽກພຽງແຕ່ຖ້າຮັບເງິນເດືອນເທົ່ານັ້ນ, ຖ້າມີບັນຫາບໍ່ຄວນເວົ້າເຖິງບໍລິສັດນັ້ນໃນທາງທີ່ບໍ່ດີເດັດຂາດ
- ຖ້າພິດພາດ ຢ່າຄິດແຕ່ຫາຄົນມາຮັບຜິດຊອບ: ການເຮັດວຽກຍ່ອມເກີດການຜິດພາດໄດ້ກັບທຸກຄົນ ເຊິ່ງແຕກຕ່າງຈາກຄົນທີ່ບໍ່ເຄີຍເຮັດຜິດພາດ ເພາະນັ້ນຄືຄົນທີ່ບໍ່ເຄີຍເຮັດວຽກເລີຍ, ເມື່ອເກີດຄວາມຜິດພາດຕ້ອງແກ້ໄຂໃຫ້ໄວທີ່ສຸດ, ການໄດ້ຮັບມືກັບບັນຫາ ຈະເຮັດໃຫ້ເຮົາຮຽນຮູ້ຄວາມພິດພາດ ແລະຮູ້ວິທີບໍ່ໃຫ້ເກີດຄວາມຜິດພາດໃນພາຍໜ້າ
- ເບິ່ງໂລກໃນແງ່ດີ ເປັນເລື່ອງທີ່ນຳມາໃຊ້ໄດ້ຕະຫຼອດ: ການປັບຄວາມຄິດ, ທັດສະນະຄະຕິ ໂດຍການເບິ່ງໂລກໃນທາງທີ່ດີໄວ້, ບໍ່ວ່າຈະເປັນກັບຫົວໜ້າ, ໝູ່ຮ່ວມງານ ຫຼືລູກຄ້າທີ່ຕ້ອງໄດ້ຕິດຕໍ່ກັນ
- ສ້າງຄວາມສຸກໃນບ່ອນເຮັດວຽກ: ດ້ວຍການໃຫ້ຄວາມຊ່ວຍເຫຼືອ, ໃຫ້ຄວາມຮູ້ສຶກດີໆ, ໃຫ້ກຳລັງໃຈ, ໃຫ້ໂອກາດ ແລະໃຫ້ອະໄພກັບເພື່ອນຮ່ວມງານ, ໃນບາງຫ້ອງການສິ່ງທີ່ຂາດກໍຄື ການໃຫ້ກຳລັງໃຈເຊິ່ງກັນ ແລະກັນ
- ສ້າງແຮງບັນດານໃຈໃຫ້ຕັ້ງໃຈເຮັດວຽກ: ນອກຈາກຈະເຮັດໃຫ້ເຮົາປະສົບຄວາມສຳເລັດແລ້ວ ກໍຈະເຮັດໃຫ້ເຮົາໄດ້ເຮັດວຽກຢ່າງເຕັມທີ່, ຈະມີພະລັງໃນການເຮັດວຽກເພີ່ມຂຶ້ນ 2-3 ເທົ່າ ເພາະສະແດງເຖິງການມີນໍ້າໃຈ, ມີພະລັງ, ມີຄວາມເຊື່ອໝັ້ນທີ່ສູງ, ສົ່ງຜົນໃຫ້ເກີດການລົງມືເຮັດຢ່າງໄວ
ຕິດຕາມນານາສາລະ ກົດໄລຄ໌ເລີຍ!