ລົດຕິດໃນຊ່ວງຫຼັງປີໃໝ່ຢູ່ຈີນ ປະຊາຊົນພາກັນເດີນທາງກັບປາກກິ່ງ

0
2592

ສຳນັກຂ່າວຈີນລາຍງານເມື່ອວັນທີ 3 ມັງກອນ 2017 ວ່າ ສະພາບຈະລາຈອນເທິງຖະໜົນໄຮເວ ສາຍສຳຄັນ ເສັ້ນຫຼັກທີ່ເຂົ້າສູ່ນະຄອນຫຼວງປາກກິ່ງ ທີ່ປາກົດວ່າຫຼັງຈາກຜ່ານພົ້ນເທດສະການປີໃໝ່ ປະຊາຊົນຈຳນວນຫຼາຍ ພາກັນທະຍອຍເດີນທາງກັບເຂົ້າໃນເມືອງ ເຮັດໃຫ້ບໍລິເວນດ່ານເກັບຄ່າຜ່ານທາງ ລົດຕິດຕະຫຼອດທັງວັນ ແລະຄືນ

ສຳລັບຖະໜົນໄຮເວດັ່ງກ່າວ ເປັນເສັ້ນທາງຫຼັກ ທີ່ເຊື່ອມຕໍ່ລະຫວ່າງນະຄອນຫຼວງປາກກິ່ງ ເມືອງຫຼວງຈີນ ແລະເມືອງຮົງກົງ-ມາເກົ໊າ ຈຸດດັ່ງກ່າວເປັນດ່ານເກັບຄ່າຜ່ານທາງກ່ອນເຂົ້າເມືອງຫຼວງ ມັກເປັນຈຸດທີ່ການຈະລາຈອນແໜ້ນໜາຕະຫຼອດ ເມື່ອຮອດເທດສະການສຳຄັນຕ່າງໆ

ການຈະລາຈອນໃນຊ່ວງປີໃໝ່ບໍລິເວນຈຸຸດນີ້ ເຖິງແມ່ນວ່າຈະຂ້ອນຂ້າງຕິດຫຼາຍ ເພາະປະລິມານລົດ ແລະສະພາບອາກາດທີ່ມີໝອກລົງຫຼາຍ ເຮັດໃຫ້ຕ້ອງຫຼຸດປະລິມານຄວາມໄວລົງ, ແຕ່ຄາດວ່າ ໃນຊ່ວງເທດສະການກຸດຈີນ ລົດຈະຕິດຫຼາຍກວ່ານີ້ ເພາະຄົນຈີນສ່ວນຫຼາຍເລືອກທີ່ຈະກັບບ້ານໄປຫາພໍ່ແມ່ໃນຊ່ວງເວລາດັ່ງກ່າວ ຫຼາຍກວ່າຊ່ວງປີໃໝ່ສາກົນ