ຢານາງ ເປັນພືດທີ່ເຮົານຳສ່ວນປະສົມໄປປະກອບອາຫານ ເຊິ່ງສ່ວນຫຼາຍເປັນອາຫານພື້ນບ້ານ ມັກເອົາມາຕົ້ມກັບອາຫານທີ່ມີລົດຊາດຂົມ ເພື່ອຫຼຸດລົດຊາດຂົມ, ນອກຈາກຊ່ວຍຫຼຸດຄວາມຂົມແລ້ວ ຍັງມີສານອາຫານຫຼາຍຢ່າງທີ່ເປັນປະໂຫຍດຕໍ່ຮ່າງກາຍອີກດ້ວຍ
- ມີວິຕາມິນເອ ແລະຊີສູງ ຈຶ່ງຊ່ວຍບຳລຸງສາຍຕາ ແລະບຳລຸງແຂ້ວ ປ້ອງກັນການເປັນຫວັດໄດ້ເປັນຢ່າງດີ
- ມີລິດເຢັນ ຊ່ວຍດັບອາການເປັນພິດ ແລະເປັນໄຂ້
- ນໍ້າຕົ້ມໃບຢານາງ ປະສົມໃບເຕີຍ ຊ່ວຍຫຼຸດນໍ້າຕານໃນເລືອດໄດ້ ເໝາະສຳລັບຜູ້ທີ່ເປັນເບົາຫວານ
- ມີສານຕ້ານອະນຸມູນອິດສະລະ ແລະປ້ອງກັນມະເຮັງໄດ້
- ຊ່ວຍຫຼຸດອາການຫອບຫືດ ຂອງຜູ້ທີ່ເປັນພະຍາດພູມແພ້ ຊ່ວຍໃຫ້ຫາຍໃຈສະດວກຂຶ້ນ
ເຖິງແມ່ນວ່າ ຢານາງຈະມີປະໂຫຍດຫຼາຍ ທີ່ເຮັດໃຫ້ໃຜຫຼາຍໆຄົນຢາກກິນ ແຕ່ຜູ້ທີ່ມີທາດເຢັນ ຫຼືຄວາມດັນເລືອດຕໍ່າ, ເລືອດຈາງ ແລະອ່ອນເພຍງ່າຍ ບໍ່ຄວນກິນຕິດຕໍ່ກັນເປັນເວລາດົນ ເພາະຈະເຮັດໃຫ້ເລືອດຈາງແຮງກວ່າເກົ່າ ແລະອ່ອນເພຍງ່າຍຫຼາຍກວ່າເດີມ
ຕິດຕາມນານາສາລະ ກົດໄລຄ໌ເລີຍ!