ຫຼັງຈາກພັກຜ່ອນກັນໃນຊ່ວງປີໃໝ່ມາແລ້ວ ເຊິ່ງຕ້ອງໄດ້ກັບມາເຮັດວຽກຕາມປົກກະຕິ ແລະເຮົາຄວນດູແລສຸຂະພາບ ໃຫ້ພ້ອມເຮັດວຽກເຕັມທີ່ຕະຫຼອດເວລາ ເພື່ອເຮັດໃຫ້ເຮັດວຽກຢ່າງມີປະສິດທິພາບ ເຮົາຄວນປະຕິບັດຕາມ 5 ເທັກນິກນີ້ ເພື່ອເຮັດໃຫ້ສຸຂະພາບດີ ພ້ອມເຮັດວຽກ
- ດື່ມນໍ້າໃຫ້ຄວາມສົດຊື່ນແທນກາເຟ: ເຮົາບໍ່ຄວນດື່ມກາເຟເກີນວັນລະ 2 ຈອກ ເພາະຖ້າຄາເຟອິນໃນຮ່າງກາຍຫຼາຍເກີນໄປອາດເຮັດໃຫ້ກະເພາະເກີດການລະຄາຍເຄືອງ ການເຮັດວຽກຂອງຫົວໃຈກໍຈະຜິດປົກກະຕິ ແລະເມື່ອຮ່າງກາຍຮູ້ສຶກບໍ່ສະບາຍກໍຈະເຮັດວຽກບໍ່ໄດ້ເຕັມທີ່ ແລະອາດເຮັດໃຫ້ເກີດຄວາມຄຽດ ແລະຄວາມກັງວົນໃຈ, ສະນັ້ນ ຄວນດື່ມນໍ້າແທນກາເຟ ເພື່ອເຮັດໃຫ້ຮ່າງກາຍສົດຊື່ນ ເພາະນໍ້າຈະເຮັດໃຫ້ອອກຊີໃນເລືອດ ແລະເຮັດໃຫ້ເຮັດວຽກໄດ້ເຕັມທີ່ຕະຫຼອດໝົດມື້
- ອອກໄປສູດອາດບໍລິສຸດເພື່ອຜ່ອນຄາຍສະໝອງ: ການນັ່ງເບິ່ງໜ້າຈໍຄອມເປັນເວລາດົນ ອາດເຮັດໃຫ້ສະໝອງຮູ້ສຶກເມື່ອຍ, ສາຍຕາກໍເລີ່ມບໍ່ເຫັນແຈ້ງ, ດັ່ງນັ້ນ ຄວນຫາໂອກາດອອກໄປນອກຫ້ອງການເລັກໜ້ອຍ ໃຫ້ຮ່າງກາຍໄດ້ພົບກັບອາກາດບໍລິສຸດ ແລະເພື່ອເຮັດໃຫ້ສາຍຕາໄດ້ເບິ່ງໄປໄກໆ ເປັນການພັກສາຍຕາຈັກ 10-15 ນາທີ ເທົ່ານີ້ກໍພຽງພໍແລ້ວ
- ເລືອກກິນອາຫານທີ່ດີຕໍ່ສຸຂະພາບ: ຄວນເລືອກກິນອາຫານທີ່ໃຫ້ໂປຣຕີນສູງເຊັ່ນ: ຊີ້ນສັດ, ຖົ່ວ, ຊີ້ນໄກ່ ຫຼືອາຫານປະເພດແປ້ງທີ່ບໍ່ເພີ່ມສີ ທີ່ຈະຊ່ວຍໃຫ້ອິ່ມດົນ ເພາະໄຟເບີສູງ ແລະຍັງມີຄາໂບໄຮເດດ ທີ່ເຮັດໃຫ້ບໍ່ຢາກອາຫານຕະຫຼອດ ຫຼືຖ້າຢາກບຳລຸງສະໝອງ ຄວນເລືອກກິນອາຫານປະເພດໄຂ່, ປາ, ອາໂວກາໂດ ຈະດີຕໍ່ສຸຂະພາບ
- ຫຼຸດຄວາມຄຽດດ້ວຍການຈັດການທີ່ດີກວ່າເກົ່າ: ຄວາມຄຽດເກີດຂຶ້ນໄດ້ທຸກມື້ ເພາະຈັດການຫຍັງບໍ່ເປັນຈັກຢ່າງ ດັ່ງນັ້ນ ການເຮັດວຽກໝົດມື້ ຕ້ອງຜ່ານການຄິດ ແລະການຈັດລຳດັບຄວາມສຳຄັນມາກ່ອນ ເພື່ອໃຫ້ເຮົາໄດ້ຮຽບຮຽງສິ່ງທີ່ຄວນເຮັດໃນແຕ່ລະວັນ, ຈະເຮັດໃຫ້ເຮົາຈັດການຊີວິດໄດ້ງ່າຍຂຶ້ນ ຄວາມຄຽດກໍຈະຫຼຸດລົງໄດ້
- ແບ່ງເວລາອອກກຳລັງກາຍ: ຄວນຈັດເວລາສຳລັບການອອກກຳລັງກາຍຢ່າງໜ້ອຍອາທິດລະ 3 ເທື່ອ, ເທື່ອລະ 30 ນາທີ ຖ້າເຮັດແບບນີ້ຕະຫຼອດໄປຈະເຮັດໃຫ້ສຸຂະພາບດີຂຶ້ນ ແລະຮູ້ສຶກໄດ້ຢ່າງຊັດເຈນ
ຕິດຕາມນານາສາລະ ກົດໄລຄ໌ເລີຍ!