ສຳນັກຂ່າວຈີນລາຍງານເມື່ອວັນທີ 27 ທັນວາ 2016 ຜ່ານມາໄດ້ເວົ້າເຖິງທ້າວ ຮາຊືມູ່ ນັກສຶກສາປີ 3 ຄົນໜຶ່ງຂອງມະຫາວິທະຍາໄລຊີຕ້ຽນ ຫຼືມະຫາວິທະຍາໄລວິທະຍາສາດເຕັກໂນໂລຊີອີເລັກໂທນິກຊີອານ ເມືອງຊີອານ ມົນທົນສ່ານຊີ ທີ່ໃຊ້ເວລາ 1 ເດືອນ ໃຊ້ໂສ້ເຫຼັກ 20 ກິໂລກຣາມ ມາເຮັດເປັນຊຸດເກາະບູຮານຂອງຈີນ ເຊິ່ງເປັນອຸປະກອນທີ່ໃຊ້ສຳລັບປ້ອງກັນຮ່າງກາຍໃນການເຮັດເສິກສົງຄາມໃນອະດີດ

ເຊິ່ງລາວໄດ້ເປີດເຜີຍວ່າ ລາວມັກເປີດເຂົ້າເບິ່ງການເຮັດອຸປະກອນຕ່າງໆ ທີ່ເຮັດດ້ວຍມືທາງເວັບໄຊຕ່າງໆຕະຫຼອດ, ຈາກນັ້ນຈຶ່ງເກີດຢາກຈະລອງເຮັດຊຸດເກາະທີ່ເຮັດຂຶ້ນມາເອງ, ຈຶ່ງໄດ້ເກັບຮວບຮວມຂໍ້ມູນ ວັດສະດຸອຸປະກອນຕ່າງໆ ແລ້ວໃຊ້ເວລາ 1 ເດືອນ ລົງມືເອົາໂສ້ເຫຼັກກວ່າ 12,000 ອັນ ມາເຮັດເປັນຊຸດເກາະນີ້ ເຊິ່ງມັກສາມາດປ້ອງກັນມີດ,ຫອກ, ດາບ, ທະນູ ແລະອຸປະກອນມີຄົມອື່ນໆໄດ້