ສຳນັກຂ່າວຈີນລາຍງານເມື່ອວັນທີ 28 ທັນວາ 2016 ວ່່າ ໂຮງໝໍທີສອງມະຫາວິທະຍາໄລຈີ໋ຫຼິນ ເມືອງສາງຊຸນ ມີແມ່ຍິງຄົນໜຶ່ງ ອາຍຸ 64 ປີ ໄດ້ຜ່າຕັດເກີດລູກຄົນທີສອງ ນໍ້າໜັກ 4 ໂລໄດ້ສຳເລັດ, ເຊິ່ງທາງແພດບອກວ່າ ລາວເປັນແມ່ຍິງທີ່ຫາກໍ່ເກີດລູກທີ່ອາຍຸຫຼາຍທີ່ສຸດໃນປະເທດຈີນຕອນນີ້
ຕາມການລາຍງານບອກວ່າ ຈາກລັດຖະບານຈີນ ໄດ້ປະກາດໃຊ້ນະໂຍບາຍ ໃຫ້ຄູ່ສາມີພັນລະຍາທຸກຄູ່ ສາມາດມີລູກຄົນທີສອງໄດ້ຢ່າງຖືກຕ້ອງຕາມກົດໝາຍ, ແມ່ຍິງອາຍຸ 64 ປີຄົນນີ້ ຈຶ່ງຕັດສິນໃຈກັບສາມີວ່າ ຈະມີລູກຄົນທີສອງນຳກັນ ແຕ່ດ້ວຍອາຍຸທີ່ຫຼາຍແລ້ວຂອງທັງສອງ ແລະລາວໝົດປະຈຳເດືອນແລ້ວ 10 ປີ ຈຶ່ງໄດ້ເຂົ້າປຶກສາແພດໝໍ ເຊິ່ງທາງແພດກໍໄດ້ແນະນຳວິທີການເຮັດເດັກຫຼອດແກ້ວໃຫ້ ພ້ອມເບິ່ງແຍງຢ່າງໃກ້ຊິດ ຈົນສາມາດເຮັດໃຫ້ລາວເກີດລູກຊາຍ ທີ່ໜ້າຮັກຄົນທີສອງອອກມາ ໄດ້ສຳເລັດ ແລະປອດໄພທັງແມ່ ແລະລູກ
ເຖິງອາຍຸຈະກາຍໄວຈະເລີນພັນມາແລ້ວ ແຕ່ຈາກຄວາມພະຍາຍາມຂອງລາວ ກັບສາ ແລະແພດໝໍ ທີ່ໃຊ້ໂຮໂມນຟື້ນຟູຮັງໄຂ່ ແລະມັດລູກຈົນສາມາດເຮັດໃຫ້ລາວຖືພາໄດ້ ເຖິງແມ່ນຮ່າງກາຍ ແລະຈິດໃຈຈະໄດ້ຮັບແຮງກົດດັນຫຼາກຫຼາຍ ແຕ່ລາວກໍປ່ຽນຄວາມກົດດັນນັ້ນ ໃຫ້ເປັນຄວາມກ້າຫານ ຈົນສາມາດເກີດລູກຊາຍຄົນທີສອງອອກມາໄດ້ສຳເລັດ