ນິໄສຂອງຄົນເຮົາ ມີທັງດີ ແລະບໍ່ດີ ແຕ່ຖ້າມີສິ່ງທີ່ດີກໍຄວນເກັບນິໄສນັ້ນໄວ້ຕໍ່ໄປ ແຕ່ຖ້າຫາກມີນິໄສບໍ່ດີ ກໍຄວນແກ້ໄຂ ເພື່ອເຮັດໃຫ້ຊີວິດຂອງຕົນເອງດີຂຶ້ນກວ່າເກົ່າ
- ຄຽດແລ້ວກິນ: ຄວາມຊິນເຄີຍ ເຮັດໃຫ້ຕິດເປັນນິໄສ ຈົນເຮັດໃຫ້ຄວາມຄຽດຄັ້ງຕໍ່ໆໄປ ຈະກິນຕະຫຼອດ ຈົນຕຸ້ຍ ແລະພູມຄຸ້ມກັນຕໍ່າ
- ບໍ່ອອກກຳລັງກາຍ: ເວລາທຸກຄົນມີເທົ່າກັນ ເຖິງວ່າເຮັດວຽກຫຼາຍໄດ້ເງິນຫຼາຍ ແຕ່ບາງຄັ້ງວຽກຫຼາຍເຮັດໃຫ້ປ່ວຍ ຍາມບໍ່ສະບາຍກໍຕ້ອງໄດ້ໃຊ້ເງິນເກັບມາຮັກສາ ດັ່ງນັ້ນຄວນເຮັດວຽກໃຫ້ພໍດີ ແລະຫາເວລາອອກກຳລັງກາຍ
- ຢູ່ໜ້າຈໍຄອມ ຫຼືໂທລະສັບດົນເກີນໄປ: ເພາະຈະເຮັດໃຫ້ການປັບຕົວປະຕິສຳພັນກັບຄົິວນອ້ອມຂ້າໜ້ອຍລົງ, ການເຄື່ອນໄຫວໜ້ອຍລົງ ແລະເຊື່ອມຊຶມກັບຄອມພິວເຕີຫຼາຍເກີນໄປບໍ່ດີກັບສຸຂະພາບໄດ້
- ດື່ມສຸລາ ແລະສູບຢາ: ຢາສູບບໍ່ດີຕໍ່ສຸຂະພາບ ແລະສຸລາຫຼາຍເກີນໄປ ຈະເຮັດໃຫ້ຮ່າງກາຍອ່ອນເພຍໄດ້
- ກິນຊີ້ນແດງຫຼາຍເກີນໄປ: ການກິນຊີ້ນແດງປະລິມານ 300 ກຣາມ ຕໍ່ອາທິດ ຖືວ່າຫຼາຍເກີນໄປເພາະສ່ຽງຕໍ່ມະເຮັງຕ່າງໆໄດ້
- ກິນອາຫານປະເພດແປ້ງ ແລະນໍ້າອັດລົມ: ການກິນອາຫານປະເພດທີ່ມີສ່ວນປະສົມຂອງແປ້ງຫຼາຍເກີນໄປ ບໍ່ດີຕໍ່ສຸຂະພາບ ເພາະກິນຫຼາຍກໍຈະສະສົມໃນຮ່າງກາຍຫຼາຍເທົ່ານັ້ນ ແລະນໍ້າອັດລົມກໍບໍ່ຄວນກິນຫຼາຍເກີນໄປ ແຕ່ຄວນກິນນໍ້າໝາກໄມ້ຈະດີກວ່າ
- ເວົ້າຂໍໂທດບໍ່ເປັນ: ເວລາເຮັດຫຍັງຜິດພາດ ກໍຄວນຂໍໂທດຄົນອື່ນ ຫຼືພະຍາຍາມເວົ້າວ່າ ເຂົ້າຂ້າງຕົນເອງ ເຊິ່ງບໍ່ຄວນເຮັດແບບນັ້ນເລີຍ ຄວນເວົ້າຂໍໂທດ ແລ້ວກໍເວົ້າເຖິງການແກ້ໄຂ ແລະປ້ອງກັນໃນຄັ້ງຕໍ່ໄປດີກວ່າ
ຕິດຕາມນານາສາລະ ກົດໄລຄ໌ເລີຍ!