ຫວ້ານຫອມ ເປັນພືດສະໝຸນໄພຊະນິດໜຶ່ງ ທີ່ມີຄຸນປະໂຫຍດຫຼາຍແລະເຊື່ອວ່າເປັນສິ່ງສັກສິດ ເພາະເປັນຫວ້ານມຸງຄຸນ ແລະຍັງມີສັບພະຄຸນທາງຢາ ທີ່ຊ່ວຍບຳລຸງຮ່າງກາຍຂອງເຮົາອີກດ້ວຍ
- ແກ້ອາການປວດ, ບວມ ແລະອັກເສບ: ເອົາຫວ້ານຫອມມາທຸບໃຫ້ມຸ່ນ ແລະເອົານໍ້າໃສ່ພໍຊຸ່ມ ແລ້ວເອົາໃສ່ແພພັນໄວ້ບໍລິເວນທີ່ປວດ, ບວມ ເຊິ່ງມີການວິໄຈພົບວ່າ ຫວ້ານຫອມມີລິດຫຼຸດການອັກເສບ
- ແກ້ອາການເຈັບຫົວ, ບຳລຸງຫົວໃຈ: ອາການເຈັບຫົວ ຫຼືຄວາມຄຽດ ໃຫ້ທຸບຫວ້ານຫອມທັງຫົວ ແລະໃບ ໃສ່ນໍ້າເລັກໜ້ອຍ ແລ້ວເອົາມາທາບ່ອນທີ່ເຈັບຫົວ ຫຼືຈະໃຊ້ສະເພາະຫົວ ມາຕຳ ຄັ້ນເອົານໍ້າ ໄວ້ທາບ່ອນທີ່ເຈັບຫົວ, ນອກນັ້ນຍັງມີການປະສົມກັບຢາຫອມ ເພື່ອບຳລຸງຫົວໃຈ ແລະປະສາດ
- ແກ້ອາການທ້ອງອືດ, ເຈັບທ້ອງ: ຫວ້ານຫອມມີສັບພະຄຸນເປັນຢາຂັບລົມ ແລະແກ້ອາການເຈັບທ້ອງ ດ້ວຍການໃຊ້ຫົວສົດໆ ຄັ້ນເອົານໍ້າ ຫຼືຕົ້ມກິນ ຈະຊ່ວຍບັນແກ້ອາການດັ່ງກ່າວໄດ້
- ແກ້ອາການເປັນຫວັດ ສຳລັບເດັກນ້ອຍ: ໃຊ້ຫວ້ານະຫອມທຸບ ແລ້ວເອົາໄປໄວ້ເທິງກະໝ່ອມເດັກນ້ອຍ ຈະຊ່ວຍແກ້ອາການເປັນຫວັດ ແລະເຊື່ອວ່າຈະຊ່ວຍກະໝ່ອມເດັກນ້ອຍປິດໄວຂຶ້ນ
- ຕ້ານອະນຸມູນອິດສະລະ: ມີການສາພົບວ່າ ຫວ້ານຫອມ ມີລິດຕ້ານອະນຸມູນອິດສະລະ, ຫຼຸດການອັກເສບ, ແກ້ປວດ ແລະຂ້າເຊື້ອແບັກທີເລຍໄດ້
- ຊ່ວຍໃຫ້ນອນຫຼັບດີ ແລະຄາຍຄຽດ: ດ້ວຍການເອົາຫວ້ານຫອມມາຕົ້ມ ແລ້ວກິນ ຈະຊ່ວຍໃຫ້ນອນຫຼັບດີ ແລະຄາຍຄຽດໄດ້
ຕິດຕາມນານາສາລະ ກົດໄລຄ໌ເລີຍ!