ສຳນັກຂ່າວໄຊນ່າ ນິວສ໌ ຂອງຈີນລາຍງານວ່າ ເມື່ອວັນທີ 25 ທັນວາ 2016 ຜ່ານມາ ຢູ່ເຂດເຈຍເກີ໋ຕ໋າສີ ເຂດພູມມິພາກຕ້າຊິງອັນຫຼິ່ງ ມົນທົນເຮຍຫຼົງເຈຍ ທາງພາກເໜືອສຸດຂອງຈີນ ແລະເປັນພື້ນທີ່ປ່າໄມ້ທຳມະຊາດທີ່ໃຫຍ່ທີ່ສຸດຂອງຈີນ ໄດ້ຈັດການແຂ່ງຂັນລອຍນໍ້າລະດູໜາວ ລະຫວ່າງປະເທດປະຈຳປີຄັ້ງທີ 9 ຂຶ້ນ ເຊິ່ງການແຂ່ງຂັນໄດ້ດຶງດູດນັກກິລາລອຍນໍ້າລະດູໜາວ ແລະຜູ້ທີ່ສົນໃຈເຈົ້າຮ່ວມຫຼາຍກວ່າ 100 ຄົນ ຈາກທີມກິລາລອຍນໍ້າລະດູໜາວ 30 ຄົນ ທັງໃນຈີນ, ລັດເຊຍ, ສິງກະໂປ ແລະປະເທດອື່ນໆ
ເຖິງແມ່ນວ່າ ໃນມື້ແຂ່ງຂັນອຸນຫະພູມຈະຕິດລົບ 30 ອົງສາ ເຊິ່ງເປັນອຸນຫະພູມທີ່ເຮັດໃຫ້ຫຼາຍຄົນຢາກຢູ່ໃນຜ້າຫົ່ມຜືນໜາໃນເຮືອນທີ່ອົບອຸ່ນກໍຕາມ ແຕ່່ຜູ້ເຂົ້າແຂ່ງຂັນກໍກຽມຄວາມກ້າ ແລະຮ່າງກາຍມາຢ່າງດີ ເຖິງອາກາດຈະໜາວ ເຖິງຂົ້ວຫົວໃຈ ແຕ່ພວກເຂົາກໍບໍ່ຮູ້ສຶກຢ້ານ ແຕ່ພາຕ່າງພາກັນປ່ຽນຊຸດໂດດລົງນໍ້າຫຼິ້ນຢ່າງມ່ວນຊື່ນ