ສຳນັກຂ່າວຕ່າງປະເທດລາຍງານເມື່ອວັນທີ 27 ທັນວາ 2016 ວ່າ ເກີດເຫດມີຜູ້ເສຍຊີວິດ 24 ສົບ ເພາາະດື່ມເຫຼົ້າປົນເປື້ອນສານພິດ ເຊິ່ງເຫດເກີດໃນຊຸມຊົນຂອງຊາວຄຣິດ ໃນເມືອງ ໂຕບາ ເຕັດ ຊິງ 338 ກິໂລແມັດ ທາງໃຕ້ຂອງນະຄອນອິສລາມາບັດ ຂອງປາກິສະຖານ
ອິມຣານ ອາຕິຟ ເຈົ້າໜ້າທີ່ຕຳຫຼວດເວົ້າວ່າ ຜູ້ເສຍຊີວິດດັ່ງກ່າວເປັນຊາວຄຣິດ 22 ຄົນ ແລະມຸສະລິມ 2 ຄົນ ໄດ້ດື່ມເຫຼົ້າຕົ້ມກັ່ນໂດຍຊາວບ້ານໃນເມືອງບາສຕີ ມູບາຣາຄາບັດ ທີ່ຢູ່ໃກ້ ກ່ອນຄືນວັນຄຣິດສະມາດ ນອກຈາກນີ້ ຍັງມີຜູ້ປ່ວຍກວ່າ 60 ຄົນຖືກນຳສົ່ງໂຮງໝໍ
ລາຍງານບອກວ່າ ຜູ້ປ່ວຍທີ່ດື່ມເຫຼົ້າທີ່ເປື້ອນສານເມທານອລ ເຖິງວ່າເຫຼົ້າຈະຖືກກົດໝາຍໃນປາກິສະຖານ ແຕ່ການຂາຍ ແລະດື່ມເຄື່ອງແອວກໍຮໍ ເປັນສິ່ງຕ້ອງຫ້າມສຳລັບຊາວມຸສະລິມ ແລະກົດລະບຽບເຂັ້ມງວດສຳລັບຊົນກຸ່ມນ້ອຍ ແລະຊາວຕ່າງຊາດ, ແນວໃດກໍຕາມ ກຸ່ມຄົນປາກິສະຖານທີ່ມີຖານະລວຍ ມັກຊື້ເຫຼົ້າຕ່າງປະເທດທີ່ລັກນຳເຂົ້າມາໃນລາຄາທີ່ແພງ, ຂະນະທີ່ປະຊາຊົນທີ່ທຸກຍາກມັກຈະຕົ້ມເຫຼົ້າກັ່ນດື່ມເອງເຊິ່ງລາຄາຖືກ