ສຳນັກຂ່າວຈີນລາຍງານເມື່ອວັນທີ 26 ທັນວາ 2016 ຜ່ານມາວ່າ ຢູ່ເຂດປົກຄອງຕົນເອງ ຊີຫຼິນກົວເລີ່ ໃນເຂດປົກຄອງຕົນເອງຂອງມົງໂກເລຍ ຢູ່ທາງພາກເໜືອຂອງຈີນ ໄດ້ເກີດປາກົດການທຳມະຊາດທີ່ຊອກເບິ່ງຍາກທີ່ເອີ້ນວ່າ “ເສົາແສງອາທິດ” ທີ່ເກີດຈາກນໍ້າກ້ອນສະທ້ອນແສງແດດ ຢູ່ຊັ້ນບັນຍາກາດຂຶ້ນ ຕັ້ງແຕ່ເວລາປະມານ 19:30-21:30 ໂມງ ຕາມເວລາທ້ອງຖິ່ນ ຕໍ່ເນື່ອງກັນດົນເຖິງ 2 ຊົ່ວໂມງ
ເຊິ່ງໃນເວລານັ້ນ ພື້ນທີ່ດັ່ງກ່າວມີສະພາບອາກາດໜາວແຮງ ອຸນຫະພູມຕິດລົບ 20 ອົງສາ, ຟ້າສົດໃສ ທັງບໍ່ມີລົມ ເຮັດໃຫ້ສັງເກດ ແລະເບິ່ງປາກົດການນີ້ໄດ້ງ່າຍ ເຊິ່ງປາກົດການນີ້ ເຮັດໃຫ້ເມືອງດັ່ງກ່າວ ງາມ ຄືກັບປະດັບປະດາດ້ວຍແສງໄຟສີງົດງາມ ຄືກັບເປັນເມືອງນິທານໃນຝັນ
ປາກົດການເສົາແສງອາທິດ ເກີດຈາກແຜ່ນນໍ້າກ້ອນສະທ້ອນແສງແດດ ໃນຊັ້ນບັນຍາກາດ ເຊິ່ງແຜ່ນນໍ້າກ້ອນເຫຼົ່ານີ້ ຈະລະເຫີຍ ແຕ່ໃນຊ່ວງອຸນຫະພູມເຢັນແຮງ ຈະບໍ່ລະລາຍ ແລະລອຍໂຕມາໃກ້ພື້ນດິນ (ບາງຄັ້ງເອີ້ນວ່າ ໝອກຄຣິສຕັລ) ເກັດນໍ້າກ້ອນເທິງພື້ນໂລກ ຈຶ່ງສະທ້ອນຈາກຕາເວັນ ເກີດລັກສະນະຄື ແສງສ່ອງຂຶ້ນຈາກພື້ນດິນ ບໍ່ຕ່າງເສົາທີ່ເປັນແສງຂຶ້ນໄປເທິງຟ້າ ເຊິ່ງມັກຈະເກີດຂຶ້ນໃນຊ່ວງດວງຕາເວັນຂຶ້ນ ຫຼືຕົກ