ສຳນັກຂ່າວຕ່າງປະເທດລາຍງານ ເມື່ອວັນທີ 27 ທັນວາ 2016 ວ່າ ອິນເດຍປະກາດຂ່າວດີ ກັບຄວາມສຳເລັດຄັ້ງໃໝ່ໃນປະເທດຕົນ ຫຼັງຈາກທົດລອງຂີປະນາວຸດຄັ້ງທີ 4 ເຊິ່ງສາມາດຕິດຫົວລົບນິວເຄຣຍໄດ້ເປັນໄດ້ດ້ວຍດີ ເຊິ່ງຂີປະນາວຸດນັ້ນ ມີຊື່ວ່າ ອັກຄະນີ-5 ສາມາດຍິງໄດ້ໄກເຖິງ 5,000 ກິໂລແມັດ ຫຼືພື້ນທີ່ເໜືອສຸດ

ອັກຄະນີ ມີຄວາມໝາຍວ່າ ໄຟ ຕາມພາສາຮິນດູ ແລະສັນສະກິດ ຂີປະນາວຸດມີຄວາມຍາວ 17,5 ແມັດ ໜັກ 50 ໂຕນ ເຊິ່ງການທົດລອງເມື່ອວັນຈັນ ທີ26 ທັນວາຜ່ານມາ ທີ່ເກາະອັບດຸລຄາລຳ ທາງຕາເວັນອອກຂອງລັດໂອຣິສາ ເຊິ່ງການທົດລອງຂີປະນາວຸດ ຍິງໄດ້ໄກເຖິງ ນ່ານນໍ້າຂອງອອສເຕເລຍ

ໂຄງການຂີປະນາວຸດ ຂອງອິນເດຍ ຖືກພັດທະນາມາດົນເຖິງ 10 ປີ ໃນຕອນທຳອິດຕັ້ງຂຶ້ນເພື່ອກຽມຄວາມພ້ອມສຳລັບການໂຈມຕີຈາກປາກິສະຖານ ປະເທດທີ່ມີຄວາມຂັດແຍ່ງກັນຕະຫຼອດ ແລະເຄີຍກໍ່ສົງຄາມກັບອິນເດຍມາແລ້ວ 3 ຄັ້ງ, ທາງດ້ານປາກິສະຖານກໍມີອາວຸດນິວເຄຣຍເຊັ່ນກັນ

ທາງດ້ານທ່ານ ເຣນທຣາ ໂມດີ ນາຍົກລັດຖະມົນຕີ ກໍສະແດງຄວາມຍິນດີ ກັບຄວາມສຳເລັດຄັ້ງນີ້ ໂດຍບອກວ່າ “ຄວາມສຳເລັດຂອງການທົດສອບອັກຄະນີ-5 ຄັ້ງນີ້ ສ້າງຄວາມພູມໃຈໃຫ້ແກ່ຄົນອິນເດຍຫຼາຍ ແລະຍັງສ້າງຄວາມແຂງແຮງໃຫ້ແກ່ກຳລັງທະຫານຂອງອິນເດຍອີກດ້ວຍ”