ຊິດນີມໍນິງເຮຣັລ – ຫຼັງຈາກເຮັດການສະແກນເໜືອທ້ອງຟ້າເພື່ອຄົ້ນຫາຂໍ້ຄວາມຈາກເອລ້ຽນໂດຍບໍ່ມີປະໂຫຍດມາດົນຫຼາຍສັດຕະວັດ ນັກວິທະຍາສາດເລີ່ມໝົດຄວາມອົນທົນ ລະບຸວ່າເຖິງເວລາແລ້ວທີ່ຈະຫັນມາລອງໃຊ້ກົດມາລະຍາດພື້ນຖານຂອງການຕິດຕໍ່ ນັ້ນຄືເປັນຝ່າຍເປີດສາກກ່າວຄຳທັກທາຍສະບາຍດີກັບສິ່ງທີ່ມີຊີວິດນອກໂລກ.
ອົງກອນຂ່າວສານສິ່ງມີຊີວິດນອກໂລກ (METI) ເຊິ່ງມີສຳນັກງານໃນຊານຟຣານຊິໂກ ມີແຜນສົ່ງສັນຍານໄປທີ່ດວງດ່າວຕ່າງໆທີ່ຢູ່ຫ່າງໄກ ແທນການເຝົ້າລໍຄອຍໃຫ້ພວກເຂົາສົ່ງສັນຍານມາທີ່ໂລກ
ໂຄງການນີ້ຈະເລີ່ມໃຊ້ພາຍໃນປາຍປີ 2018 ໂດຍມີເປົ້າໝາຍເລີ່ມຕົ້ນສົ່ງສຽງສົນທະນາບາງຢ່າງຜ່ານສັນຍານວິທະຍຸ ຫຼື ເລເຊີໄປທີ່ດາວເຄາະຫີນດວງໜຶ່ງທີ່ໂຄຈອນຮອບດາວເຄາະແດງ “Proxima Centauri” ເຊິ່ງເປັນດາວທີ່ຢູ່ໃກ້ກັບດວງຕະເວັນຫຼາຍທີ່ສຸດ ຈາກນັ້ນກໍ່ຈະມຸ່ງຈຸດໝາຍໄປຈຸດທີ່ໄກກວ່າເກົ່າ ຫ່າງອອກໄປຫຼາຍແສນປີແສງ
ປະຕິບັດການນີ້ເປັນຄວາມພະຍາຍາມຄັ້ງທຳອິດໃນການສົ່ງສານອັນສົງພະລັງ ຈະເຮັດຊ້ຳໆ ແລະ ຕັ້ງໃຈສົ່ງສັນຍານໄປທີ່ອາວະກາດ ໂດຍມີເປົ້າໝາຍທີ່ດາວດວງເກົ່າຕໍ່ເນື່ອງເປັນເວລາຫຼາຍເດືອນຫຼາຍປີ ເຊິ່ງປະທານຂອງ METI ໄດ້ກ່າວວ່າ “ຫາກເຮົາຕ້ອງການເລີ່ມແລກປ່ຽນວິຖີຊີວິດຂອງຫຼາຍເຜົ່າພັນ ເຮົາຕ້ອງຮຽນຮູ້ ແລະ ແບ່ງປັນຂໍ້ມູນ”
METI ເຊິ່ງໄດ້ກໍ່ຕັ້ງຂຶ້ນເມື່ອປີທີ່ຜ່ານມາ ເຊິ່ງຈະເປັນເຈົ້າພາບໃນການຈັດກອງປະຊຸມແຜນປະຕິບັດການ 2 ຄັ້ງໃນປີໜ້າ ທີ່ ປາຣີສ ເມືອງຫຼວງຂອງຝຣັ່ງ ແລະ ເຊນຫລຸຍ ລັດມິສຊູຣີ ສະຫະລັດອາເມລິກາ.
ຮູບພາບຈາກ: ອົງການນາຊ່າ
ຂໍ້ມູນຈາກ: http://www.manager.co.th/Around/ViewNews.aspx?NewsID=9590000128680
ຕິດຕາມຂ່າວເສດຖະກິດລາວ ກົດໄລຄ໌ເລີຍ!