ຜື່ນທີ່ຂຶ້ນຕາມຜິວໜ້ານ້ອຍເຊິ່ງພໍ່ແມ່ບາງຄົນອາດຈະຄິດວ່າລູກເປັນກາກ ຫຼື ເກື້ອນນ້ຳນົມ ແຕ່ບາງເທື່ອລູກອາດແພ້ສານເຄບາງຊະນິດ ຫຼື ລູກມີອາການພູມແພ້ບາງຢ່າງກໍ່ມີ ສະນັ້ນເມື່ອເຫັນຜື່ນຕຸ່ມຂຶ້ນທີ່ໜ້າຂອງລູກສິ່ງທີ່ຄວນເຮັດທຳອິດ ແມ່ນພາລູກໄປພົບແພດເພື່ອກວດໃຫ້ລະອຽດກ່ອນ ວ່າຜື່ນແດງໆທີ່ຂຶ້ນຢູ່ໜ້າລູກນັ້ນ ເປັນພຽງກາກນົມ ຫຼື ເປັນຜື່ນທີ່ກ່ຽວກັບໂຣກຜິວໜັງ ຈິ່ງຄ່ອຍຮັກສາຕາມອາການຕົວຈິງ

ສຳລັບພໍ່ແມ່ຄົນໃດທີ່ໝັ້ນໃຈແລ້ວວ່າ ຜືນທີ່ຂຶ້ນຢູ່ໜ້າລູກນ້ອຍນັ້ນ ເປັນຜື່ນກາກເກືອນນ້ຳນົມແທ້ ວັນນີ້ໃນຄໍລຳ ແມ່ ແລະ ລູກ ແອັດມິນກໍ່ມີວິທີການປິ່ນປົວຜື່ນດັ່ງກ່າວນັ້ນມາຝາກກັນ

1. ເວລາເຮັດຄວາມສະອາດໃຫ້ລູກຄວນເລືອກໃຊ້ສະບູອ່ອນໆ ເຊັ່ນ: ສະບູສຳລັບເດັກນ້ອຍ
2. ທາຄີມກັນແດດທີ່ມີ SPF ສູງ ແລະ ຫຼີກລ່ຽງແສງແດດ ຜື່ນກາກນ້ຳນົມຈະເປັນໆຫາຍໆ ພາຍໃນ 1-2 ປີ ແຕ່ບໍ່ເປັນອັນຕະລາຍຕໍ່ລູກນ້ອຍ ແລະ ບໍ່ຕິດຕໍ່ໃສ່ຄົນອື່ນ
3. ທາຄີມບຳລຸງຜິວເປັນຜະລິດຕະພັນສຳເລັບເດັກນ້ອຍໃຫ້ລູກ
4. ຢ່າເກົາ, ຢ່າແກະ ບໍລິເວນເປັນຜື່ນ ຫຼື ຕຸ່ມໃສໆນັ້ນເດັດຂາດ
5. ຄວນເຊັດເບົາໆທີ່ບໍລິເວນເກີດຜື່ນ ໃນເວລາເຮັດຄວາມສະອາດ ເພື່ອບໍ່ໃຫ້ເກີດອາການອັກເສບ
6. ຕັດເລັບມືໃຫ້ລູກສະເໝີ ເພື່ອປ້ອງກັນບໍ່ໃຫ້ລູກເກົາຈົນໜັງລອກ
7. ພໍ່ແມ່ຕ້ອງທຳຄວາມສະອາດໃຫ້ລູກ ຢ່າໃຫ້ລູກເປື້ອນ ຫຼື ໝອງເດັດຂາດ

ຫາກພໍ່ແມ່ທ່ານໃດທີ່ມີລູກເປັນກາກນ້ຳນົມກໍ່ສາມາດເອົາວິທີທີ່ກ່າວມາຂ້າງເທິງນີ້ໄປປະຕິບັດລອງເບິ່ງ ຮັບຮອງວ່າຜື່ນກາກນ້ຳນົມທີ່ຢູ່ໜ້າລູກຈະຫາຍໄປແນ່ນອນ

ຂໍ້ມູນຈາກ: http://www.herkid.com/view/8777/

ຕິດຕາມນານາສາລະ ກົດໄລຄ໌ເລີຍ!