ໝາກໄມ້ ທີ່ມີປະໂຫຍດ ແລະມີຄຸນຄ່າທາງໂຄສະນາການ ຕໍ່ຮ່າງກາຍໃນປະລິມານສູງ, ມີການພິສູດທາງວິທະຍາສາດແລ້ວວ່າ ສານທີ່ຢູ່ໃນໝາກໄມ້ດັ່ງກ່າວນີ້ ມີສັບພະຄຸນເປັນຢາກະຕຸ້ນການເຮັດວຽກຂອງລະບົບຕ່າງໆ ແລະເສີມສ້າງພູມຕ້ານທານໄດ້ອີກດ້ວຍ
- ໝາກສີດາ: ເປັນໝາກໄມ້ທີ່ມີວິຕາມິນຊີ, ມີໃຍອາຫານ ແລະສານຕ້ານອະນຸມູນອິດສະລະໃນປະລິມານສູງ ຊ່ວຍກະຕຸ້ນການເຮັດວຽກຂອງເມັດເລືອດຂາວ ເຮັດໃຫ້ຮ່າງກາຍມີພູມຕ້ານທານກັບພະຍາດຫຼາຍຂຶ້ນ
- ໝາກເຟືອງ: ມີວິຕາມິນຊີ, ວິຕາມິນເອດ ຟອສຟໍຣັດ ແລະແຄວຊຽມ ຊ່ວຍຮັກສາອາການເລືອດອອກຕາມແຂ້ວ, ເປັນຢາລະບາຍທ້ອງໄດ້ດີ
- ໝາກພິລາ: ເປັນໝາກໄມ້ທີ່ມີລິດເປັນຢາບຳລຸງກຳລັງ, ແກ້ອາການເຈັບທ້ອງ, ແກ້ພະຍາດເລືອດຈາງ, ປິ່ນປົວບາດແຜ, ແກ້ອາການເຈັບກະເພາະ, ແກ້ອາການເຈັບທ້ອງໄດ້
- ໝາກຫຸ່ງ: ມີວິຕາມິນຊີ, ມີເບຕ້າແຄໂຣທີນ, ໄລໂຄພີນ, ໂພແທັກຊຽມ ແລະໃຍອາຫານ ເມື່ອກິນຕະຫຼອດຈະເຮັດໃຫ້ຜິວຊຸ່ມຊື່ນ ມີເສັ້ນໃຍອາຫານທີ່ຊ່ວຍໃນການຂັບຖ່າຍ, ກຳຈັດໄຂມັນໃນລຳໄສ້ ຊ່ວຍໃຫ້ລຳໄສ້ສະອາດດູດຊຶມອາຫານໄດ້ດີ
- ໝາກກ້ຽງໃຫຍ່: ມີສານເພັກຕິນສູງ ມີຄຸນສົມບັດຊ່ວຍຫຼຸດຄໍເລດເຕີລໍໃນເລືອດ ແລະມີສານໂມໂນເທີປີນ ທີ່ຊ່ວຍກຳຈັດສານມະເຮັງ
- ໝາກຂາມ: ມີສານແອນທຣາຄວິນິນ ເຊິ່ງຊ່ວຍໃຫ້ປະຈຳເດືອນມາເປັນປົກກະຕິ ແລະຍັງມີກົດອິນຊີຫຼາຍຊະນິດເຊັ່ນ: ກົດທຣາຣິກ, ກົດຊິຕຣິກ ມີລິດເປັນຢາລະບາຍອ່ອນໆ ເພີ່ມກາກໃຍອາຫານ ແລະຊ່ວຍຂັບຖ່າຍສະດວກ
- ໝາກຍົມ: ເປັນໝາກໄມ້ທີ່ມີລົດຊາດສົ້ມ ທີ່ອຸດົມດ້ວຍແຄວຊຽມ, ຟອສຟໍຣັດ, ວິຕາມິນເອ ແລະວິຕາມິນຊີສູງ ມີລິດຊ່ວຍປິ່ນປົວບາດແຜ ແລະໃຊ້ເປັນຢາຂັບນໍ້າປັດສະວະ, ຫຼຸດອາການຫຼອດລົມອັກເສບ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ