ຂ່າວບັນເທີງດາລາ ກັບລາວໂພສຕ໌ ມື້ນີ້ແອັດມິນຈະມາອັບເດດຂ່າວຄົນດັງ ຂອງທາງເພື່ອນບ້ານ ທີ່ມາທ່ຽວ ນະຄອນຫຼວງວຽງຈັນ ປະເທດລາວເຮົາເອງ ເຊິ່ງຫຼ້າສຸດໃນວັນທີ 22 ທັນວາ 2016 ທີ່ຜ່ານມາ 2 ຊຸ໊ບຕຣາ ຂອງເມືອງໄທ ຢ່າງ ບ່າວ ກັອບ ແລະ ສາວ ຂັວນ ທີ່ຄວງຄູ່ກັນມາທຳງານ ແລະ ຖືໂອກາດນີ້ທ່ຽວສະວີດຫວານກັນທີ່ນະຄອນຫຼວງວຽງຈັນ ແຕ່ທັງຄູ່ກໍ່ບໍ່ໄດ້ມາກັນພຽງ 2 ຄົນ ເພາະຍັງພາ ແມ່ ແອ໊ວ ແມ່ຂອງຂັວນ ອຸສາມະນີ ມາຮ່ວມທຣິບສຸດປະທັບໃຈໃນຄັ້ງນີ້ນຳ

ເຊິ່ງການມາທ່ຽວທີ່ນະຄອນຫຼວງວຽງຈັນຂອງທັງຄູ່ໃນຄັ້ງນີ້ກໍ່ໄດ້ຮັບການຕ້ອນຮັບຢ່າງອົບອຸ່ນຈາກແຟນຄລັບຊາວລາວ ເປັນຈຳນວນຫຼາຍ

ກັອບ ແລະ ຂັວນ ໄດ້ພາແມ່ ແອ໊ວ ທ່ຽວຊົມສະຖານທີ່ຕ່າງໆ ໃນນະຄອນຫຼວງວຽງຈັນ ເຊັ່ນ: ທ່ຽວປະຕູໄຊ, ພະທາດຫຼວງ, ຕະຫຼາດມືດແຄມຂອງສວນເຈົ້າອະນຸວົງ ແລະ ຍັງໄດ້ຕື່ນແຕ່ເຊົ້າມາເຮັດບຸນໃສ່ບາດຮ່ວມກັບພີ່ນ້ອງຊາວລາວ ຖືວ່າການມາທ່ຽວລາວຂອງພວກເຂົາໃນຄັ້ງນີ້ເປັນ ທຣິບທີ່ອີ່ມບຸນ, ອີ່ມໃຈ ແລະ ສ້າງຄວາມສຳພັນໃຫ້ແໜ້ນແຟ້ນຂຶ້ນຕື່ມ

ທັງນີ້ບ່າວ ກັອບຍັງໄດ້ທະວິດຂໍ້ຄວາມ “ຂອບໃຈພີ່ນ້ອງແຟນຄຣັບຊາວວຽງຈັນທີ່ຕ້ອນຮັບຢ່າງອົບອຸ່ນ” ຜ່ານທະວິດເຕີ້ສ່ວນຕົວຂອງລາວ

ເອົາເປັນວ່າຕອນນີ້ເຮົາມາເບິ່ງພາບຄວາມປະທັບໃຈໃນການທ່ຽວວຽງຈັນຂອງ ກັອບ, ຂັວນ ແລະ ແມ່ແອ໊ວ ກັນດີກວ່າ

ຮູບພາບຈາກ: Instagram golfpichaya, kwanusa9 ແລະ ແຟນຄັລບ

ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!