- ເບື່ອວຽກງານປະຈໍາທີ່ຕົນເອງເຮັດຢູ່: ເຮັດວຽກຕາມໜ້າທີ່ທີ່ໄດ້ຮັບມອບໝາຍ ແລະໃນແຕ່ລະເດືອນກໍຮັບເງິນເດືອນໄປ ແຕ່ຖ້າຫາກເຮົາບໍ່ມີຄວາມສຸກໃນການເຮັດວຽກງານ ມັນກໍຄືກັບຕາຍທັງເປັນ ເພາະວຽກງານທີ່ບໍ່ມີຄວາມສຸກ ຍ່ອມເຮັດໃຫ້ສຸຂະພາບຈິດບໍ່ດີ, ມີປັນຫາຊີວິດຕາມມາ ເກີດຄວາມເບື່ອໜ່າຍ ແລະທ້າຍສຸດຜົນງານທີ່ໄດ້ກໍບໍ່ດີໃນທີ່ສຸດ
- ບໍ່ຮູ້ຈັກການວາງແຜນການເງິນທີ່ດີ
- ບໍ່ກ້າທີ່ຈະອອກມາສ້າງທຸລະກິດ: ມະນຸດເງິນເດືອນຫຼາຍຄົນມີຄວາມຝັນຢາກຈະເປັນເຈົ້າຂອງກິດຈະການຕ່າງໆ ແຕ່ປັນຫາຄືຄວາມກ້າທີ່ຈະເຮັດຕາມຄວາມຝັນ ບາງຄັ້ງກັບເຂົ້າໃຈຜິດວ່າຕ້ອງອອກຈາກວຽກງານປະຈໍາມາເຮັດທຸລະກິດ ແຕ່ຄວາມເປັນຈິງແລ້ວ ເຮົາສາມາດສ້າງທຸລະກິດໄປພ້ອມໆກັບວຽກງານປະຈໍາໄດ້ ເຖິງວ່າຈະເມື່ອຍແຕ່ຖ້າໄດ້ເຮັດຕາມຄວາມຝັນມັນກໍເຮັດໃຫ້ຊີວິດມີຄ່າຄືກັນ
- ຊີວິດຂາດການອອກກໍາລັງກາຍ: ສຸຂະພາບກາຍທີ່ແຂງແຮງ ເຮັດໃຫ້ເກີດສຸຂະພາບທີ່ດີ ແລະມີພະລັງໃນການສ້າງວຽກງານສ້າງລາຍໄດ້ ເລີ່ມຕົ້ນງ່າຍໆພຽງແຕ່ອອກກໍາລັງກາຍອາທິດລະ 3 ມື້
- ເມົາມົວແຕ່ເສຍດາຍຄວາມຜິດພາດໃນອະດີດ: ຄວາມຜິດພາດເກີດຂຶ້ນໄດ້ທຸກວັນ ແຕ່ເມື່ອມັນເກີດຂຶ້ນແລ້ວສິ່ງທີ່ເຮົາຕ້ອງເຮັດຄກ້າວຕໍ່ໄປ ບໍ່ແມ່ນຈົມປັກຢູ່ກັບສິ່ງທີ່ຜິດພາດ ເພາະມັນບໍ່ໄດ້ເຮັດໃຫ້ຊີວິດດີຂຶ້ນ ຍິ່ງເຮົາລຸກຂຶ້ນໃໝ່ໄດ້ໄວເທົ່າໃດ ໂອກາດປະສົບຜົນສໍາເລັດໃນອະນາຄົດກໍຍິ່ງໄວເທົ່ານັ້ນ
- ກີດກັນຄົນທີ່ເກັ່ງກວ່າ: ຢ່າລືມໄປວ່າບໍ່ມີໃຜເກັ່ງໄປໝົດທຸກຢ່າງ ດັ່ງນັ້ນການທີ່ໄດ້ເຮັດວຽກງານຮ່ວມກັບຄົນທີ່ເກັ່ງນັ້ນເປັນເລື່ອງທີ່ດີ ເພາະເຮົາທຸກຄົນມີໂອກາດທີ່ຈະຮຽນຮູ້ສິ່ງດີໆອີກຫຼາຍຢ່າງ
- ມີຄວາມຄິດອິດສາແມ້ແຕ່ລູກນ້ອງ: ຄວາມອິດສາເປັນບໍເກີດແຫ່ງຄວາມວຸ້ນວາຍ ເມົາມົວແຕ່ອິດສາຄົນອື່ນຈົນລືມຄວາມຜິດຂອງຕົນເອງ ແລ້ວຈະປະສົບຜົນສໍາເລັດໃນໜ້າທີ່ການງານໄດ້ແນວໃດ
- ຟ້ອງນາຍ ຂາຍໝູ່ເພື່ອນ
- ຫັນຫຼັງໃຫ້ກັບຄອບຄົວ ແລະຄົນຮັກ: ຊີວິດປະສົບຜົນສໍາເລັດໃນໜ້າທີ່ວຽກງານແບບສຸດໆ ແຕ່ມັນຈະມີປະໂຫຍດຫຍັງ ຖ້າຫາກຄວາມສໍາເລັດນັ້ນເກີດເທິງຄວາມພັງທະລາຍຂອງຄອບຄົວ ແລະຄົນຮັກ ດັງນັ້ນເຖິງວ່າວຽກງານຈະໜັກປານໃດ ຢ່າລືມແບ່ງເວລາຫາຊ່ວງຫວ່າງເບິ່ງແຍງເອົາໃຈໃສ່ຄົນໃນຄອບຄົນ ຫຼືຄົນທີ່ເຈົ້າຮັກ
- ບໍ່ຮູ້ຈັກຕັກຕວງປະສົບການຈາກວຽກງານທີ່ເຮັດ: ເຮັດວຽກທຸກມື້, ທຸກເດືອນ ແລະທຸກປີ ແລ້ວເຮົາມີປະສົບການຫຼາຍຂຶ້ຶນ ຫຼືບໍ ຖ້າຫາກມື້ໜຶ່ງຖືກໄລ່ອອກ ເຮົາຈະຊອກວຽກໃໝ່ໄດ້ຈາກຫຍັງທີ່ເຮົາມີ