ຍອດຜູ້ເສຍຊີວິດຈາກແຜ່ນດິນໄຫວໃນແຂວງຢູນນານ ສປ ຈີນ ພົບແລ້ວ 398 ລາຍ ແລະ ບາດເຈັບອີກກ່ວາ

1,800 ລາຍ, ບ້ານເຮືອນພັງຖະຫຼົ່ມ 12,000 ຫຼັງ ໂດຍທະຫານ 2,500 ຄົນ ໄດ້ເລັ່ງຄົ້ນຫາຜູ້ລອດຊີວິດເພີ່ມຕື່ມ.

ວັນທີ 5 ສິງຫາ 2014 ສຳນັກຂ່າວຕ່າງປະເທດລາຍງານວ່າ ຈີນສົ່ງທະຫານ 2,500 ຄົນ ເຂົ້າໄປຄົ້ນຫາຜູ້ລອດຊີ

ວິດຈາກແຜ່ນດິນໄຫວໃນແຂວງຢູນນານ ຫຼັງຈາກເມື່ອວັນອາທິດທີ່ຜ່ານມາ ໄດ້ເກີດເຫດແຜ່ນດິນໄຫວຂະ

ໜາດ 6.1 ຣິກເຕີ ເຊິ່ງສື່ຂອງທາງການຈີນບອກວ່າ ນີ້ເປັນແຜ່ນດິນໄຫວທີ່ຮຸນແຮງທີ່ສຸດຂອງແຂວງຢູນນານ

ໃນຮອບ 14 ປີ.

ລາຍງານຂ່າວລະບຸວ່າ ການເຂົ້າໄປຊ່ວຍເຫຼືອຜູ້ປະສົບເຫດ ແມ່ນເປັນໄປດ້ວຍຄວາມຍາກລຳບາກ ເພາະໄດ້ພົບ

ກັບພະຍຸຝົນ ລົມແຮງ ເຮັດໃຫ້ເຈົ້າໜ້າທີ່ເຂົ້າຊ່ວຍເຫຼືອບາງສ່ວນ ຕ້ອງໃຊ້ວິທີຍ່າງດ້ວຍຕີນເຂົ້າໄປໃນພື້ນທີ່,

ນອກຈາກຝົນທີ່ຕົກໜັກແລ້ວ ຍັງມີຄວາມສ່ຽງຈາກດິນຖະຫຼົ່ມນຳອີກ.

ປະທານາທິບໍດີ ສີ ຈິນ ຜິງ ຂອງຈີນ ບອກວ່າ ຕ້ອງໃຊ້ຄວາມພະຍາຍາມຢ່າງເຕັມທີ່ ເພື່ອທີ່ຈະຄົ້ນຫາຜູ້ລອດຊີ

ວິດ ນອກຈາກທະຫານຈຳນວນດັ່ງກ່າວແລ້ວ ຍັງມີຕຳຫຼວດອີກກ່ວາ 300 ຄົນ, ພະນັກງານດັບເພີງ ແລະ ເຈົ້າ

ໜ້າທີ່ຊ່ວຍເຫຼືອໃນພາວະສຸກເສີນອີກ 400 ຄົນ ທີ່ເຂົ້າໄປເຮັດວຽກພ້ອມໆກັບໝາດົມກິ່ນອີກ ໂດຍເຈົ້າໜ້າທີ່

ໄດ້ຊ່ວຍເຫຼືອຜູ້ລອດຊີວິດອອກມາໄດ້ 32 ຄົນແລ້ວ ເຊິ່ງໃນນັ້ນລວມມີເດັກຍິງອາຍຸ 5 ປີຢູ່ນຳ.