ດັ່ງທີ່ທ່ານໄດ້ຮັບຊາບຂ່າວໄປແລ້ວວ່າ: ເກີດເຫດອຸບມົງເຂື່ອນໄຟຟ້າເຊກະຫມານ 3 ແຕກນໍ້າໄຫຼທະລຸຖ້ວມຢ່າງຮຸນແຮງ ໃນຕອນເຊົ້າຂອງວັນທີ 16 ທັນວາ 2016 ທີ່ບ້ານ ດາກຢຣັງ, ເມືອງ ດາກຈຶງ ແຂວງເຊກອງ , ເຫດບໍ່ຄາດຄິດດັ່ງກ່າວເກີດຂຶ້ນໃນລະດູແລ້ງແທ້ໆ ແຕ່ປັດຈຸບັນຍັງບໍ່ມີຄໍາຕອບຊັດເຈນຈາກພາກສ່ວນກ່ຽວຂ້ອງ.
ເຈົ້າຫນ້າທີ່ຈາກພະແນກພະລັງງານ ແລະ ບໍ່ແຮ່ແຂວງເຊກອງໄດ້ເປີດເຜີຍຕໍ່ນັກຂ່າວຜ່ານໂທລະສັບໃນຕອນບ່າຍຂອງວັນທີ 19 ທັນວາ 2016 ວ່າປັດຈຸບັນແຂວງຂອງຕົນໄດ້ເກັບຂໍ້ມູນ ແລະ ຫລັກຖານສົ່ງມາສູນກາງເປັນການຮີບດ່ວນເພື່ອດໍາເນີນສືບສວນສອບວ່າເຂື່ອນແຕກເກີດຂຶ້ນຍອ້ນຫຍັງ ແລະ ແມ່ນໃຜຈະຮັບຜິດຊອບ.
ເຈົ້າຫນ້າທີ່ທ້ອງຖິ່ນຍັງເປີດເຜີຍວ່າເຫດການຄັ້ງນີ້ອາດເປັນອຸທາຫອນ ຫລື ເປັນບົດຮຽນອັນຍິ່ງໃຫຍ່ສໍາລັບຜູ້ຮັບເໝົາກໍ່ສ້າງຕອ້ງຄໍານືງເຖິງມາດຕະຖານ ແລະ ຄວາມປອດໄພ…
ໂຄງການ ກໍ່ສ້າງເຂຶ່ອນ ເຊກະຫມານ3 ຂະໜາດ 250 ເມກາວັດ ລົງທຶນໂດຍ ບໍລິສັດ VLP (Viet-Lao Power Investment and Development Joint Stock Company) ຂອງຫວຽດນາມ ໃນເຂດ ເມືອງດັກຈຶງ ແຂວງ ເຊກອງ ຕິດກັບພື້ນທີ່ ແຂວງ ອັດຕະປື ດ້ວຍມູນຄ່າກໍ່ສ້າງ 173,7ລ້ານໂດລາ ໂດຍຝ່າຍຫວຽດນາມຖືຮຸ້ນ 85% ບໍລິສັດລັດວິສາຫະກິດໄຟຟ້າລາວຖືຮຸ້ນ 15% ມີໄລຍະສໍາປະທານ 30 ປີ.ກະແສໄຟຟ້າສ່ວນໃຫຍ່ຖືກສົ່ງໄປຂາຍຫຽວດນາມ, ເຂື່ອນດັ່ງກ່າວໄດ້ນໍາໃຊ້ມາພຽງ 2-3 ປີ.
ຂ່າວຈາກ: ສຳນັກຂ່າວສານປະເທດລາວ ແລະ ວີໂອເອລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!