- ລ້າງຜັກຫຼັງຈາກຕັດ ຫຼືເດັດສໍາເລັດແລ້ວ: ຜັກທີ່ຕັດ ຫຼືເດັດແລ້ວເວລານໍາໄປລ້າງເທິງພື້ນຜິວທີ່ສໍາຜັດກັບນໍ້າຈະມີຫຼາຍກວ່າຕອນທີ່ຍັງບໍ່ໄດ້ຕັດ ຫຼືເດັດເຮັດໃຫ້ແຮ່ທາດບາງຊະນິດ, ວິຕາມິນບີ ແລະຊີບາງສ່ວນລະລາຍໄປນໍານໍ້າ. ວິທີເຮັດທີ່ຖືກຕ້ອງຄືຄວນຈະຄ່ອຍໆ ລ້າງຜັກໃຫ້ສະອາດ ແລະສະເດັດນໍ້າໃຫ້ແຫ້ງກ່ອນນໍາມາຕັດ ຫຼືເດັດ ແລະທີ່ສໍາຄັນກໍຄືຜັກທີ່ຕັດ ຫຼືເດັດແລ້ວຄວນຈະນໍາໄປປະກອບໃນອາຫານທັນທີ ຫຼືບໍ່ຄວນປະໄວ້ດົນເກີນກວ່າ 2 ຊົ່ວໂມງ ບໍ່ດັງນັ້ນຈະເຮັດໃຫ້ສານອາຫານທີ່ຢູ່ໃນຜັກສູນເສຍໄປເພາະຖືກກັບອາກາດ.
- ຖ້າມີຄວັນຂຶ້ນຄ່ອຍໃສ່ຜັກ: ໝາຍເຖິງການນໍາຜັກລົງໄຂົ້ວໃນອຸນຫະພູທີ່ມີນໍ້າມັນສູງກວ່າ 200 ອົງສາ ຊຶ່ງຈະເຮັດໃຫ້ສູນເສຍສານອາຫານ ແລະຈໍານວນແຮ່ທາດໃນຜັກ ແຖມຍັງເຮັດໃຫ້ເກີດສານກໍ່ມະເຮັງ ວິທີການທີ່ຖືກຕ້ອງຄວນຈະໃສ່ວັດຖຸດິບທຸກຢ່າງລົງໄປກ່ອນທີ່ນໍ້າມັນຈະມີຄວັນຂຶ້ນມາ.
- ໃສ່ນໍ້າມັນຫຼາຍໆ: ບໍ່ວ່າຈະແມ່ນນໍ້າມັນປະເພດໃດກໍຕາມຈະມີປະລິມານໄຂມັນຫຼາຍກວ່າ 98% ຄວາມສາມາດໃນການດູດຊຶມນໍ້າມັນຂອງຜັກນັ້ນສູງກວ່າຊີ້ນສັດຫຼາຍ ຖ້າຫາກໃສ່ນໍ້າມັນຫຼາຍເກີນໄປເວລາຂົ້ວຜັກກໍຈະເຮັດໃຫ້ພື້ນຜິວຂອງຜັກນັ້ນເຄືອບເຕັມໄປດ້ວຍນໍ້າມັນ ລົດຊາດຂອງເຄື່ອງປຸງທີ່ໃສ່ລົງໄປນັ້ນຈະບໍ່ເຂົ້າໄປໃນຜັກ ແຖມຍັງເຮັດໃຫ້ຮ່າງກາຍຂອງເຮົາດູດຊຶມແຮ່ທາດ ແລະສານອາຫານຈາກຜັກໄດ້ໜ້ອຍລົງ ວິທີທີ່ເໝາະສົມຄືເວລາຂົ້ວຜັກບໍ່ຄວນໃສ່ນໍ້າມັນເກີນກວ່າ 1 ບ່ວງ.
- ໃສ່ເຄື່ອງປຸງທີ່ມີສ່ວນປະກອບຂອງເກືອຫຼາຍເກີນໄປ: ໃນສະອີວມີສ່ວນປະກອບຂອງເກືອ 15-20%, ໃນແປ້ງງນົວຈະມີສ່ວນປະກອບຂອງເກືອ 10% ຖ້າຫາກໃສ່ເຄື່ອງປຸງເຫຼົ່ານີ້ແລ້ວກໍບໍ່ຄວນໃສ່ເກືອ ຫຼືນໍ້າປາ ເພາະມັນຈະເຮັດໃຫ້ປະລິມານໂຊດຽມໃນອາຫານສູງເກີນໄປ.