ມື້ນີ້ເຮົາຈະມາໄຂຂໍ້ຂ້ອງໃຈນຳກັນ ເລື່ອງອາການຜິດປົກກະຕິຂອງເຕົ້ານົມ ທີ່ເກີດຂຶ້ນກັບສາວໆ, ແຕ່ອາການເຫຼົ່ານີ້ສາເຫດມາຈາກຫຍັງ ແລະເປັນອັນຕະລາຍ ຫຼືບໍ່ ເຮົາມາຮູ້ນຳກັນ
- ເຕົ້ານົມຂະຫຍາຍໃຫຍ່ຂຶ້ນ: ຫາກເຕົ້ານົມຂອງສາວໆໃຫຍ່ຂຶ້ນ ເຊິ່ງເປັນເລື່ອງທີ່ບໍ່ຄວນກັງວົນໃຈ ເພາະມີຫຼາຍສາເຫດທີ່ເຮັດໃຫ້ເຕົ້ານົມໃຫຫຍ່ຂຶ້ນເຊັ່ນ: ນໍ້າໜັກຫຼາຍຂຶ້ນ, ການຖືພາ, ການກິນຢາຄຸມ ຫຼືການປ່ຽນແປງໂຮໂມນໃນຊ່ວງເປັນປະຈຳເດືອນ
- ເຕົ້ານົມຫົດນ້ອຍລົງ: ນັ້ນອາດເປັນສາເຫດຂອງນໍ້າໜັກຫຼຸດລົງ, ລະດັບໂຮໂມນເດສໂຕຣເຈນຫຼຸດລົງ, ການເຊົາກິນຢາຄຸມ ຫຼືອາດເປັນສັນຍານຊ່ວງຈະເປັນປະຈຳເດືອນ, ແຕ່ຖ້າມີອາການອື່ນໆເຊັ່ນ: ຜົມຫຼົ່ນ, ເປັນສິວ, ອາດເປັນສັນຍານຂອງພະຍາດຮັງໄຂ່ຜິດປົກກະຕິ
- ເຕົ້ານົມປ່ຽນຮູບ: ສາວໆຫຼາຍຄົນຮູ້ບໍວ່າ ເຕົ້ານົມຂອງເຮົາກໍສາມາດປ່ຽນຮູບໄດ້ເພາະ ຫຼັງຈາກຜ່ານການໃຫ້ນົມລູກ ຫຼືອາຍຸຫຼາຍຂຶ້ນ ເຕົ້ານົມກໍຈະຂະຫຍາຍອອກ, ຈຶ່ງເຮັດໃຫ້ເຕົ້ານົມຍານລົງຫຼາຍນັ້ນເອງ
- ມີກ້ອນໃນເຕົ້ານົມ: ໃນຊ່ວງທີ່ເປັນປະຈຳເດືອນຈະຮູ້ສຶກວ່າມີກ້ອນໃນເຕົ້ານົມ ເຊິ່ງສາເຫດນັ້ນເພາະ ໃນຊ່ວງເປັນປະຈຳເດືອນໂຮໂມນເພດຈະປ່ຽນແປງ ຈຶ່ງເຮັດໃຫ້ເກີດກ້ອນເນື້ອທີ່ບໍ່ຮ້າຍແຮງຊະນິດໄຟໂບຣຊີສຕິດ ທີ່ອາດເຮັດໃຫ້ເກີດການເຈັບນົມ, ເຈັບບ່ອນກ້ອນນັ້ນ ອາດເປັນຍ້ອນປະຈຳເດືອນມານັ້ນເອງ
- ເຈັບເຕົ້ານົມ: ເຊິ່ງມີຫຼາຍສາເຫດເຊິ່ງສ່ວນຫຼາຍເກີດເພາະເນື້ອງອກ ທີ່ບໍ່ອັນຕະລາຍ, ແຕ່ຖ້າເຈັບທັງສອງເຕົ້າທີ່ກ່ຽວກັບໂຮໂມນ ຫຼືຍ້ອນການກິນສານຄາເຟອິນຫຼາຍເກີນໄປ, ລວມທັງການໃສ່ເສື້ອຊ້ອນທີ່ຮັດຫຼາຍ ກໍເປັນສາເຫດຂອງການເຈັບເຕົ້ານົມໄດ້
- ມີສານຫຼັ່ງຜິດປົກກະຕິຈາກຫົວນົມ: ສາວໆຫຼາຍຄົນຄິດວ່າ ການມີສານຫຼັ່ງອອກມາຈາກຫົວນົມຄື ອາການຂອງມະເຮັງເຕົ້ານົມ ເຊິ່ງກໍມີສ່ວນເປັນໄປໄດ້, ແຕ່ຖ້າມີສານຫຼັ່ງອອກມາຈາກຫົວນົມທັງສອງເບື້ອງ ທີ່ກ່ຽວກັບໂຮໂມນ ຫຼືອາດເກີດຈາກການທີ່ລະດັບຂອງໂຮໂມນໂປຣແລັກຕິນສູງຂຶ້ນຈາກການກິນຢາ, ລະບົບຕ່ອມໄທລອຍເຮັດວຽກໜ້ອຍ ຫຼືບາງທີອາດເກີດຂຶ້ນໃນເວລາຖືພາ ແລະເລີ່ມຜະລິດນໍ້ານົມນັ້ນເອງ
- ສີຫົວນົມປ່ຽນ: ເປັນທຳມະດາທີ່ຫົວນົມ ແລະວົງປານຫົວນົມໃຫຍ່ຂຶ້ນ ແລະມີສີເຂັ້ມຂຶ້ນ ຈະເປັນສັນຍານບົ່ງບອກວ່າ ເຈົ້າຖືພາ ຫຼືຫົວນົມສີເຂັ້ມ ແລະໃຫຍ່ຂຶ້ນ ກໍເປັນປົກກະຕິທີ່ຫົວນົມໃຫຍ່ຂຶ້ນ ບອກໄດ້ເລີຍວ່າ ສີສັນປ່ຽນໄດ້ ບໍ່ແມ່ນເລື່ອງຜິດປົກກະຕິບໍ່ຄວນກັງວົນໃຈ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ