ສຳນັກຂ່າວຕ່າງປະເທດ ລາຍງານໃນວັນທີ 18 ທັນວາຜ່ານມານີ້ວ່າ ອີງຕາມການລາຍງານຂອງ ກະຊວງກະສິກຳ ແລະ ພັດທະນາຊົນນະບົດຫວຽດນາມ ລະບຸ ການສົ່ງອອກເຂົ້າຂອງຫວຽດນາມ ໄດ້ຫລຸດລົງເຖິງລະດັບຕ່ຳທີ່ສຸດໃນຮອບ 7 ປີ ຊຶ່ງນັບຕັ້ງແຕ່ເດືອນມັງກອນເຖິງເດືອນພະຈິກປີນີ້ ຫວຽດນາມໄດ້ສົ່ງອອກເຂົ້າແລ້ວທັງໝົດ 4.5 ລ້ານໂຕນ ສ້າງລາຍຮັບ 2 ຕື້ໂດລາ ເມື່ອທຽບກັບໄລຍະເວລາດຽວກັນຂອງປີກາຍພົບວ່າ ປະລິມານຫລຸດລົງ 26% ແລະ ລາຍໄດ້ກໍຫລຸດລົງ 22%.
ທັງນີ້ ການສົ່ງອອກເຂົ້າຂອງຫວຍດນາມໃນປີ 2016 ຖືວ່າມີປະລິມານການສົ່ງອອກ ທີ່ມີອັດຕາຕ່ຳທີ່ສຸດ ນັບຕັ້ງແຕ່ປີ 2009 ເປັນຕົ້ນມາ ເນື່ອງຈາກບັນດາບໍລິສັດສົ່ງອອກເຂົ້າ ບໍ່ສາມາດສົ່ງອອກໄດ້ຕາມເປົ້າໝາຍ ແລະ ມີທ່າອ່ຽງທີີ່ຫວຽດນາມຈະບໍ່ສາມາດ ບັນລຸເປົ້າໝາຍສົ່ງອອກເຂົ້າໃຫ້ໄດ້ 5.7 ລ້ານໂຕນ ໃນປີນີ້.
ຕິດຕາມເຮົາທາງFacebook ກົດຖືກໃຈເລີຍ!