ຢູ່ໃນໝາກເຟືອງມີກົດອອກຊາລິກຫຼາຍ ດັ່ງນັ້ນຈຶ່ງສົ່ງຜົນໃຫ້ຜູ້ທີ່ເປັນພະຍາດໝາກໄຂ່ຫຼັງ ຫຼືກຳລັງຟອກໝາກໄຂ່ຫຼັງຢູ່, ເພາະອາດເຮັດໃຫ້ອາການຂອງພະຍາດໝາກໄຂ່ຫຼັງຮ້າຍແຮງຂຶ້ນກວ່າເກົ່າ ແລະການຮັບສານອອກຊາລິກ ເຂົ້າສູ່ຮ່າງກາຍເປັນຈຳນວນຫຼາຍ ອາດເພີ່ມໂອກາດໃຫ້ເປັນພະຍາດໜິ້ວໝາກໄຂ່ຫຼັງໃນນໍ້າປັດສະວະ ຫຼືໝາກໄຂ່ຫຼັງຫຼົ້ມເຫຼວໄດ້
ຜູ້ທີ່ຢູ່ໃນພາວະຂາດນໍ້າ ເພາະອາດເກີດຈາກອາການເຈັບທ້ອງ, ເຮັດວຽກໜັກ ຫຼືອອກກຳລັງກາຍຫຼາຍ ຈົນເກີດການສູນເສຍເຫື່ອໃນປະລິມານຫຼາຍ ຫາກກິນໝາກເຟືອງລົງໄປ ຫຼືກິນນໍ້າໝາກເຟືອງໃນປະລິມານຫຼາຍ ຈະເພີ່ມໂອກາດໃນການເປັນພະຍາດໝາກໄຂ່ຫຼັງຫຼົ້ມເຫຼວໄດ້ເຊັ່ນກັນ
ນອກຈາກນີ້ ໃຜທີ່ກຳລັງກິນຢາຫຼຸດໄຂມັນ ຫຼືຢາຫຼຸດຄວາມຄຽດຢູ່ ບໍ່ຄວນກິນໝາກເຟືອງ ເພາະໝາກເຟືອງຈະໄປຕໍ່ຕ້ານການເຮັດວຽກຂອງຢາເຫຼົ່ານັ້ນ
ສຳລັບໝາກເຟືອງສົ້ມ ແລະໝາກເຟືອງຫວານນັ້ນ, ໃນໝາກເຟືອງສົ້ມຈະມີກົດອອກຊາລິກຫຼາຍກວ່າໝາກເຟືອງຫວານ, ດັ່ງນັ້ນ ໝາກເຟືອງສົ້ມ ອາດສົ່ງຜົນກະທົບຕໍ່ການເຮັດວຽກຂອງໝາກໄຂ່ຫຼັງໄດ້ຫຼາຍກວ່າໝາກເຟືອງຫວານ
ເຖິງແມ່ນວ່າໝາກເຟືອງຈະມີອັນຕະລາຍ ແຕ່ຖ້າກິນໃນປະລິມານທີ່ເໝາະສົມ ບໍ່ຄວນກິນຫຼາຍຈົນເກີນໄປ, ແມ່ນຫຍັງກໍຕາ ຖ້າກິນຫຼາຍຈົນເກີນໄປ ກໍຈະສົ່ງຜົນບໍ່ດີຕໍ່ກັບຮ່າງກາຍໄດ້ ບໍ່ສະເພາະແຕ່ໝາກເຟືອງ ຫາກກິນພໍເໝາະສົມ ຮັບຮອງວ່າມີປະໂຫຍດແກ່ຮ່າງກາຍແນ່ນອນ