ຫ້ອງວ່າການສະພາແຫ່ງຊາດ ປະຈຳເຂດເລືອກຕັ້ງທີ I ນະຄອນຫຼວງວຽງຈັນ ໄດ້ຈັດພິທີປະກາດການແຕ່ງຕັ້ງ
ຫົວໜ້າຫ້ອງວ່າການສະພາແຫ່ງຊາດ ປະຈຳເຂດເລືອກຕັ້ງທີ I ນວ ໂດຍຄະນະປະຈຳສະພາແຫ່ງຊາດ ຕົກລົງ
ແຕ່ງຕັ້ງ ທ່ານ ນາງ ຄຳຟອງ ພູມວົງໄຊ ສະມາຊິກສະພາແຫ່ງຊາດເຂດເລືອກຕັ້ງທີ I ນວ ເປັນຫົວໜ້າຫ້ອງວ່າ
ການສະພາແຫ່ງຊາດ ເຂດເລືອກຕັ້ງທີ I ນວ.
ພິທີດັ່ງກ່າວ ໄດ້ຈັດຂຶ້ນວັນທີ 31 ກໍລະກົດ 2014 ນີ້ ທີ່ຫ້ອງວ່າການປົກຄອງ ນວ ໂດຍໃຫ້ກຽດເຂົ້າຮ່ວມຂອງທ່ານ
ດຣ. ອຸ່ນແກ້ວ ວຸທິລາດ ກຳມະການຄະນະປະຈຳຫົວໜ້າຫ້ອງວ່າການສະພາແຫ່ງຊາດ ເຊິ່ງມີທ່ານ ສີຫຸນ ສິດທິລືໄຊ
ຮອງເລຂາຄະນະພັກ ປະທານກວດກາພັກ ຫົວໜ້າພະແນກກວດກາລັດ ນະຄອນຫຼວງວຽງຈັນ ທ່ານ ລາດຊະນີວົງ
ອາມະຣາທິທາດາ ປະທານຄະນະສະມາຊິກສາພາແຫ່ງຊາດ ປະຈຳເຂດເລືອກຕັ້ງທີ I ນວ, ຫົວໜ້າກົມ, ເຈົ້າເມືອງ,
ຫົວໜ້າພະແນກ ແລະ ອົງການທຽບເທົ່າເຂົ້າຮ່ວມ.
ສຳລັບການແຕ່ງຕັ້ງຫົວໜ້າຫ້ອງວ່າການສະພາແຫ່ງຊາດຄົນໃໝ່ຄັ້ງນີ້ ກໍ່ເພື່ອປະຕິບັດຕາມມະຕິຕົກລົງຂອງ
ຄະນະປະຈຳສະພາແຫ່ງຊາດ ວ່າດ້ວຍການແຕ່ງຕັ້ງສະມາຊິກສະພາແຫ່ງຊາດຮັບໜ້າທີ່ໃໝ່ ອີງຕາມທິດປັບປຸງ
ກົງຈັກ ແລະ ບຸກຄະລະກອນຂອງຫ້ອງວ່າການສະພາແຫ່ງຊາດ ປະຈຳເຂດເລືອກຕັ້ງສະພາແຫ່ງຊາດ ຊຸດທີ VII
ແລະ ອີງຕາມຄົ້ນຄວ້າຕົກລົງຂອງກອງປະຊຸມຄະນະປະຈຳສະພາແຫ່ງຊາດ ທັງນີ້ ກໍ່ເພື່ອເຮັດໃຫ້ການຄວບຄຸມ
ບັນຊາວຽກງານສະພາແຫ່ງຊາດ ປະຈຳເຂດເລືອກຕັ້ງທີ I ນວ ສືບຕໍ່ເຄື່ອນໄຫວໃຫ້ເຂັ້ມແຂງ, ຄ່ອງຕົວ ແລະ ດຳ
ເນີນໄປໃຫ້ມີປະສິດທິຜົນດີຂຶ້ນກວ່າເກົ່າ.
ແຫຼ່ງຂ່າວ: http://vientianemai.net/teen/khao/1/12352