ສຳນັກຂ່າວຕ່າງປະເທດ ລາຍງານໃນວັນທີ 16 ທັນວານີ້ວ່າ ກອງທັບເຮືອຈີນ ໄດ້ສົ່ງກຳປັ່ນບັນທຸກເຮືອບິນ ຫລຽວໜິງ ຊຶ່ງເປັນກຳປັ່ນບັນທຸກເຮືອບິນລຳທຳອິດຂອງກອງທັບ ພ້ອມດ້ວຍກອງກຳປັ່ນສູ້ຮົບລວມ 10 ລຳ ແລະ ເຮືອບິນສູ້ຮົບອີກ 10 ລຳ ອອກປະຕິບັດການຊ້ອມຮົບ ຍິງຂີປະນາວຸດນຳວິຖີ ທັງຈາກອາກາດສູ່ອາກາດ, ອາກາດສູ່ທະເລ ແລະ ທະເລສູ່ອາກາດ ດ້ວຍລູກປືນແທ້ ເປັນຄັ້ງທຳອິດ ກາງທະເລປໍໄຫ່ ທາງພາກຕາເວັນອອກສຽງເໜືອຂອງປະເທດ ເມື່ອວັນທີ 15 ທັນວາຜ່ານມານີ້.

ທັງນີ້ ການຊ້ອມຮົບດັ່ງກ່າວ ກອງທັບເຮືອຂອງຈີນລະບຸວ່າ ເປັນການເຝິກຊ້ອມເພື່ອວັດຖຸປະສົງ ໃນການທົດສອບປະສິດທິພາບ ຂອງລະບົບອາວຸດ ແລະ ການເຝິກອົບຮົມຂອງກຳລັງພົນ ໂດຍຈັດຂຶ້ນຢູ່ກາງທະເລປໍໄຫ່ ຊຶ່ງເປັນນ່ານນ້ຳໃນອະທິປະໄຕຂອງຈີນຢ່າງສົມບູນ ບໍ່ໄດ້ມີປະເທດອື່ນໃດອ້າງກຳມະສິດທັບຊ້ອນ.

 
ຕິດຕາມເຮົາທາງFacebook ກົດຖືກໃຈເລີຍ!