ຄວາມເຄັ່ງຄຽດ, ນໍ້າໜັກຫຼາຍ, ການຍົກເຄື່ອງໜັກ, ການນັ່ງດົນໆ, ການເດີນທາງໄກ ລ້ວນເປັນປັດໄຈທີ່ກໍ່ໃຫ້ເກີດການເຈັບຫຼັງໄດ້, ຄະນະຜູ້ຊ່ຽວຊານຈາກໂຢຄະ ໄດ້ແນະນຳ 3 ທ່ານອນທີ່ຈະຊ່ວຍປ້ອງກັນ ແລະບັນເທົາອາການເຈັບຫຼັງໄດ້ດັ່ງນີ້
- ນອນສະແຄງຂ້າງກ່າຍໝອນ: ນອນສະແຄງຂ້າງທີ່ຖະໜັດ, ໝູນໝອນຫົວຕາມປົກກະຕິ, ໂງເຂົ່າທັງສອງເບື້ອງ ແລະໝູນໝອນໄວ້ລະຫວ່າງຂາທັງສອງເບື້ອງ ເພື່ອປ້ອງກັນບໍ່ໃຫ້ເຂົ່າທັງສອງເບື້ອງຖືກບ່ອນນອນ ບໍ່ດັ່ງນັ້ນ ກະດູກສັນຫຼັງຈະພິກ ເຊິ່ງເຮັດໃຫ້ເຈັບຫຼັງ ແລະສະໂພກໄດ້
- ນອນຫງາຍໝູນເຂົ່າ: ນອນຫງາຍໝູນໝອນຢູ່ຫົວ ປ່ອຍໂຕຕາມສະບາຍ ໂດຍປະໝອນໝູນອີກໜ່ວຍໄວ້ກ້ອງຫົວເຂົ່າທັງສອງ ເພື່ອຊ່ວຍຮັກສາຄວາມໂຄ້ງຂອງກະດູກສັນຫຼັງສ່ວນລຸ່ມ ເປັນທ່າທີ່ເໝາະກັບຜູ້ທີ່ເຈັບຫຼັງທີ່ບໍ່ຮຸນແຮງຫຼາຍ
- ນອນຂວໍ່າໝູນໜ້າທ້ອງ: ຫາກເຈົ້າບໍ່ສາມາດນອນທ່າອື່ນໆໄດ້ ແລະຈຳເປັນຕ້ອງນອນຂວໍ່າ ໃຫ້ນອນໝູນໝອນບໍລິເວນຊ່ວງຄໍ ແລະໜ້າເອິກສ່ວນເທິງ ໂດຍຫັນໜ້າໄປດ້ານໃດໜຶ່ງ ແລະເອົາໝອນໝູນອີກໜ່ວຍປະໄວ້ກ້ອງສະໂພກ ເພື່ອຜ່ອນຄາຍຄວາມເຄັ່ງຕຶງຂອງຫຼັງ ແລະຫາກຍັງຮູ້ສຶກເຈັບປວດຢູ່ ໃຫ້ເອົາໝອນໝູນຫົວອອກ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ