ສະຕໍເບີລີ່ ເປັນໝາກໄມ້ທີ່ມີສີແດງ ແລະມີປະໂຫຍດຕໍ່ຮ່າງກາຍຫຼາຍຢ່າງ, ແຖມໃນຊ່ວງລະດູໜາວນີ້ ເປັນຊ່ວງທີ່ຊອກກິນສະຕໍເບີລີ່ໄດ້ງ່າຍ, ໃນສະຕໍເບີລີ່ມີສານທີ່ຊ່ວຍຕ້ານມະເຮັງ ແລະຫຼຸດຄວາມດັນເລືອດນຳອີກ
- ຊ່ວຍຕ້ານມະເຮັງ: ເພາະມີສານ ໄຟໂຕນິວທຽນ, ວິຕາມິນຊີ ແລະແຮ່ທາດຕ່າງໆ ທີ່ມີສ່ວຍຊ່ວຍຕ້ານມະເຮັງ ແລະມີສັບພະຄຸນບຳບັດພະຍາດ ໂດຍສະເພາະມະເຮັງເຕົ້ານົມ
- ຫຼຸດການອັກເສບໃນຮ່າງກາຍ: ໂດຍສະເພາະຂໍ້ອັກເສບ, ຂໍ້ເສື່ອມ ເພາະສະຕໍເບີລີ່ມີສານຕໍ່ຕ້ານອະນຸມູນອິດສະລະສູງ
- ແກ້ທ້ອງຜູກ: ເພາະໃນສະຕໍເບີລີ່ມີກົດໂຟລິກ ກົດທີ່ຊ່ວຍກະຕຸ້ນການຂັບຖ່າຍ ຈຶ່ງຊ່ວຍແກ້ບັນຫາທ້ອງຜູກໄດ້
- ບຳລຸງຜິວໃຫ້ອ່ອນກ່ອນໄວ: ເພາະມີວິຕາມິນຊີຫຼາຍ ທີ່ຊ່ວຍໃນການຫຼຸດຮອຍແຫ່ວ, ຄວາມແຫ້ງຂອງຜິວ ໃຫ້ກັບມາສົດຊື່ນ ແລະອ່ອນກ່ອນໄວ
- ບຳລຸງຕາ: ເພາະມີສານຕ້ານອະນຸມູນອິດສະລະ ແລະວິຕາມິນຊີທີ່ຊ່ວຍປ້ອງກັນສາຍຕາເສື່ອມ, ບຳລຸງເລນຕາ ແລະແກ້ວຕາໃຫ້ແຂງແຮງ
- ຊ່ວຍຫຼຸດນໍ້າໜັກ: ສະຕໍເບີລີ່ ມີສ່ວນຊ່ວຍເພີ່ມໂຮໂມນອະດິໂປເນັກຕິນ ແລະໂຮໂນເລບຕິນ ເຊິ່ງເປັນໂຮໂມນທີ່ຊ່ວຍເລັ່ງລະບົບເຜົາຜານ, ຈັດການກັບໄຂມັນສະສົມໃນຮ່າງກາຍ ແລະຫຼຸດນໍ້າໜັ້ກໄດ້
- ຫຼຸດຄວາມດັນເລືອດ: ສະຕໍເບີລີ່ ມີໂພແທສຊຽມ ແລະແມກນີຊຽມ ທີ່ສາມາດຊ່ວຍປ້ອງກັນຄວາມດັນເລືອດສູງ ແລະຊ່ວຍຫຼຸດດັນເລືອດສູງໄດ້
- ຫຼຸດຄໍເລດເຕີລໍ ດີຕໍ່ຫົວໃຈ: ເພາະມີຊູເປີໄຟເບີເພັກຕິນ ທີ່ມີຄຸນສົມບັດຊ່ວຍຫຼຸດຄໍເລດເຕີລໍໄດ້ ແລະຍັງມີວິຕາມິນຊີ ແລະໄຟເບີທີ່ຊ່ວຍຫຼຸດຈຳນວນຄໍເລດເຕີລໍ ທີ່ຕິດຕາມຜະໜັງຫຼອດເລືອດໄດ້
- ຊ່ວຍເພີ່ມລະບົບພູມຄຸ້ມກັນໃຫ້ຮ່າງກາຍ: ເພາະມີວິຕາມິນຊີຫຼາຍ ທີ່ຊ່ວຍເສີມສ້າງລະບົບພູມຄຸ້ມກັນໃນຮ່າງກາຍໄດ້
- ຊ່ວຍຄວບຄຸມຄວາມດັນເລືອດ ແລະຢັບຢັ້ງການອຸດຕັນຂອງເສັ້ນເລືອດ: ເພາະມີເສັ້ນໃຍອາຫານຫຼາຍ ແລະມີສ່ວນປະກອບຂອງນໍ້າຫຼາຍ ແລະຍັງມີສານທີ່ຊ່ວຍຄວບຄຸມຄວາມດັນເລືອດ ແລະການອຸດຕັນຂອງເສັ້ນເລືອດຫົວໃຈໄດ້