ກິ່ນປາກ ແມ່ນກິ່ນເໝັນທີ່ອອກມາຈາກລົມຫາຍໃຈທີ່ສາມາດໄດ້ກິ່ນ, ກິ່ນປາກເປັນກາສເໝັນທີ່ເກີດຂຶ້ນໃນຮ່າງກາຍຂອງຄົນເຮົາ ແລະອອກມາທາງລົມຫາຍໃຈ, ສາເຫດຂອງກິ່ນປາກ ອາດມາຈາກປາກ, ໃນຄໍ ຫຼືດັງກໍເປັນໄດ້ ກິ່ນປາກນອກຈາກຈະສົ່ງກິ່ນເໝັນແລ້ວ ຍັງເຮັດໃຫ້ຂາດຄວາມໝັ້ນໃຈ, ຂາດບຸກຄະລິກະພາບ ແລະເຮັດໃຫ້ຄຽດໄດ້, ມື້ນີ້ເຮົາຈະມາຮູ້ສາເຫດຂອງກິ່ນປາກ ແລະວິທີດັບກິ່ນປາກ ເພື່ອເຮັດໃຫ້ກິ່ນປາກນັ້ນບໍ່ມາໃກ້ເຮົາໄດ້
- ສາເຫດຂອງກິ່ນປາກ:
- ການບໍ່ຮັກສາສຸຂະພາບຂອງຊ່ອງປາກໃຫ້ສະອາດດີ
- ລີ້ນເປັນຝ້າ ຍ້ອນການສະສົມຂອງເສດອາຫານ ແລະແບັກທີເລຍ
- ນໍ້າລາຍໜ້ອຍ ເຮັດໃຫ້ຊຳລະລ້າງເສດອາຫານບໍ່ໄດ້ໝົດ ຈົນເຮັດໃຫ້ເກີດກິ່ນປາກ
- ຄາບຫີນປູນ ທີ່ເກາະຕິດກັບແຂ້ວ
- ແຂ້ວຜຸ ເຮັດໃຫ້ເສດອາຫານຕິດກັບແຂ້ວ ແລ້ວກໍເກີດກິ່ນຂຶ້ນມາ
- ແຜໃນຊ່ອງປາກ ເປັນສາເຫດໜຶ່ງຂອງກິ່ນປາກ
- ເຫືອກອັກເສບ
- ພະຍາດກ່ຽວກັບທາງເດີນຫາຍໃຈ ກ່ຽວກັບຄໍ, ດັງ ແລະຫຼອດລົມ
- ມະເຮັງໂພງດັງ ຈະເຮັດໃຫ້ເໝັນທີ່ສຸດ ແລະຈະເຮັດໃຫ້ມີໜອງໄຫຼໄປໃນຄໍເວລາກົ້ມຫົວລົງ
- ພະຍາດທາງເດີນທາງເດີນຫາຍໃຈສ່ວນລຸ່ມເຊັ່ນ: ຜູ້ທີ່ເປັນພະຍາດປອດຊໍ້າເຮື້ອ, ມະເຮັງປອດ, ວັນນະໂລກ ຈະເຮັດໃຫ້ມີກິ່ນອອກມາທາງປາກ
- ພະຍາດທາງເດີນອາຫານເຊັ່ນ: ທ້ອງອືດ, ກົດໄຫຼກັບ
- ການກິນອາຫານທີ່ເຮັດໃຫ້ເກີດກິ່ນເຊັ່ນ ກິນອາຫານທີ່ເໝັນ, ກິນກະທຽມ, ກິນຫອມ
- ດື່ມເຄື່ອງດື່ມທີ່ມີແອວກໍຮໍທຸກປະເພດ
- ຄົນທີ່ສູບຢາ ຈະເຮັດໃຫ້ຫາຍໃຈ ແລະປາກມີກິ່ນເໝັນ
- ຜູ້ທີ່ໃສ່ແຂ້ວປອມ ຫຼືໃສ່ເຄື່ອງມືຕ່າງໆໃນປາກ
- ວິທີດັບກິ່ນປາກ:
- ຖູແຂ້ວທຸກເທື່ອຫຼັງກິນອາຫານ
- ໃຊ້ຢາສີຟັນທີ່ມີສ່ວນປະສົມຂອງຟູອໍໄຣ
- ທຳຄວາມສະອາດລີ້ນ ເພື່ອບໍ່ໃຫ້ມີເສດອາຫານຕົກຄ້າງ ແລະມີແບັກທີເລຍ
- ບ້ວນປາກດ້ວຍນໍ້າ ຫາກບໍ່ສະດວກທີ່ຈະຖູແຂ້ວ
- ເລືອກໃຊ້ນໍ້າຢາບ້ວນປາກຍາມຈຳເປັນ
- ໃຊ້ສະເປລະງັບກິ່ນປາກ ເພື່ອຄວາມສະດວກສະບາຍ
- ໃຊ້ຢາສີຟັນ ທີ່ມີສ່ວນປະສົມຂອງເກືອ
- ອົມນໍ້າເກືອ ດ້ວຍການອົມໄວ້ປະມານ 3-5 ນາທີ ຈາກນັ້ນຈຶ່ງບ້ວນຖິ້ມ
- ປ່ຽນໄມ້ສີຟັນ ເພາະປະສິດທິພາບໃນການທຳຄວາມສະອາດຂອງໃໝ່ຈະດີກວ່າອັນເກົ່າ
- ໝັ່ນກວດສຸຂະພາບແຂ້ວ ແລະຊ່ອງປາກກັບທັນຕະແພດຕະຫຼອດ
- ໝັ່ນຂູດຫີນປູນ ທຸກໆ 6 ເດືອນ ຫຼືຢ່າງໜ້ອຍປີລະຄັ້ງ
- ຮັກສາບາດແຜໃນຊ່ອງປາກ
- ດື່ມນໍ້າມື້ລະ 8 ແກ້ວ ເພາະຈະຊ່ວຍລ້າງແບັກທີເລຍໄດ້
- ຢ່າປ່ອຍໃຫ້ປາກແຫ້ງ ເພາະຈະເຮັດໃຫ້ແບັກທີເລຍເພີ່ມຂຶ້ນ
- ເຊົາສູບຢາ
- ດື່ມນໍ້າໝາກນາວ ເພາະໝາກນາວຈະເພີ່ມປະລິມານນໍ້າລາຍໄດ້
- ຮັບປະທານອາຫານທີ່ມີເສັ້ນໃຍຫຼາຍໆ ແລະຮັບປະທານອາຫານໃຫ້ຄົບ 5 ໝູ່
- ກິນຜັກ ແລະໝາກໄມ້ທີ່ຫຼຸດກິ່ນປາກ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ