ສຳນັກຂ່າວຕ່າງປະເທດ ລາຍງານໃນວັນທີ 12 ທັນວາຜ່ານມານີ້ວ່າ ສາຍການບິນ ປາກີສະຖານ ອິນເຕີເນຊັນແນວ ແອລາຍ ຊຶ່ງເປັນສາຍການບິນແຫ່ງຊາດ ໄດ້ປະກາດຢຸດໃຊ້ງານເຮືອບິນອາເຕແອ ລຸ້ນ ATR 42-500 ທັງໝົດ 10 ລຳ ຍົກຝູງ ເປັນການຊົ່ວຄາວ ພາຍຫລັງທີ່ເຮືອບິນລຸ້ນດັ່ງກ່າວ ຖ້ຽວບິນ 661 ຂອງສາຍການບິນນີ້ ໄດ້ເກີດອຸບັດເຫດຕຳເຂົ້າກັບເນີນພູ ທາງພາກເໜືອຂອງປະເທດ ໃນວັນພຸດທີ 7 ທັນວາຜ່ານມານີ້ ສົ່ງຜົນເຮັດໃຫ້ມີຜູ້ໂດຍສານ ແລະ ລູກເຮືອເສຍຊີວິດຍົກລຳ 47 ຄົນ ເນື່ອງຈາກເຄື່ອງຈັກຂັດຂ້ອງ.

ຫລ້າສຸດ ໃນວັນອາທິດທີ່ຜ່ານມາ (11 ທັນວາ) ເຮືອບິນລຸ້ນດັ່ງກ່າວອີກລຳໜຶ່ງ ຂອງສາຍການບິນແຫ່ງຊາດປາກີສະຖານ ໄດ້ເກີດການຂັດຂ້ອງທາງດ້ານເຕັກນິກ ກ່ອນການລົງຈອດທີ່ເມືອງມຸນຕັນ, ເຮັດໃຫ້ສາຍການບິນດັ່ງກ່າວ ຈຳເປັນໄດ້ປະກາດຢຸດເຊົານຳໃຊ້ ຝູງບິນອາເຕແອ ທັງ 10 ລຳ ຊົ່ວຄາວ ເພື່ອກວດເຊັກສະພາບຢ່າງລະອຽດ.

 
ຕິດຕາມເຮົາທາງFacebook ກົດຖືກໃຈເລີຍ!