ໝາກພິລາເປັນໝາກໄມ້ທີ່ມີປະໂຫຍດມະຫານສານ ເຖິງຂະໜາດລາຍງານຂອງມະຫາວິທະຍາໄລແຄລິຟໍຣເນຍ ທີ່ສາຫະລັດອາເມລິກາ ຈັດໃຫ້ນໍ້າໝາກພິລາເປັນສຸດຍອດຂອງນໍ້າໝາກໄມ້ເພື່ອສຸຂະພາບ.
ແລະອະທິບາຍວ່າ ນໍ້າໝາກພິລາມີປະລິມານສານຕ້ານອະນຸມຸນອິດສະລະຫຼາຍເກືອບ 3 ເທົ່າຂອງຊາຂຽວ ແລະວາຍແດງໃນປະລິມານທີ່ເທົ່າກັນ ນອກນີ້ ນໍ້າໝາກພິລາຍັງເປັນແຫຼ່ງທີ່ດີຂອງວິຕາມິນຊີ, ວິຕາມິນບີ5 ແລະໂພແທກຊຽມ
ຊຶ່ງມີງານວິໄຈບອກວ່າ ດື່ມນໍ້າໝາກພິລາເປັນປະຈໍາ ຊ່ວຍຫຼຸດຄວາມສ່ຽງຂອງພະຍາດຫົວໃຈ ແລະຫຼອດເລືອດ, ຫຼຸດຄວາມດັນໂລຫິດ, ຕໍ່ຕ້ານເຊື້ອແບັກທີເຣຍ ແລະການຕິດເຊື້ອຈາກໄວຣັດ, ຫຼຸດຄວາມສ່ຽງຂອງການເກີດມະເຮັງຕ່ອມລູກໝາກ, ມະເຮັງເມັດເລືອດຂາວ, ເບົາຫວານ ໄປຈົນເຖິງການຫຼຸດການສ້າງເມັດສີໃຕ້ຜິວໜັງ ແລະແນະນໍາໃຫ້ດື່ມນໍ້າໝາກພິລາສົດ