ຄົນທີ່ມີອາການຫຼົງລືມ, ມັກຖາມຄຳຖາມຊໍ້າໆ ແລະຈົດຈຳສິ່ງຕ່າງໆບໍ່ໄດ້ດີ ເຖິງແມ່ນວ່າເຫດການນັ້ນຈະຜ່ານໄປໄດ້ບໍ່ດົນ, ອາການເຫຼົ່ານີ້ອາດເປັນ ສັນຍານເຕືອນຂອງພະຍາດສະໝອງເສື່ອມໄດ້, ມື້ນີ້ ແອັດມິນຈະມາບອກ 10 ສັນຍານເຕືອນ ກ່ຽວກັບພະຍາດສະໝອງເສື່ອມ ແບບເບື້ອງຕົ້ນມາໃຫ້ທຸກຄົນໄດ້ຮູ້ນຳກັນ
- ມັກລືມສິ່ງທີ່ລົບກວນໃນຊີວິດປະຈຳວັນເຊັ່ນ: ລືມໃນສິ່ງທີ່ຫາກໍ່ເຮັດ, ລືມມື້ ຫຼືເຫດການສຳຄັນ, ມັກຖາມຄືນຕະຫຼອດ ຕ້ອງອາໄສການຈົດຊ່ວຍຈຳຕະຫຼອດ
- ບໍ່ມີຄວາມສາມາດໃນການວາງແຜນ ຫຼືແກ້ໄຂບັນຫາໃນຊີວິດປະຈຳວັນເຊັ່ນ: ບໍ່ສາມາດເຮັດສິ່ງຕ່າງໆ ເປັນຂັ້ນຕອນໄດ້ຖືກຕ້ອງ
- ຮູ້ສຶກລຳບາກ ໃນການເຮັດວຽກທີ່ເຄີຍເຮັດທຸກມື້, ບໍ່ວ່າຈະຢູ່ເຮືອນ, ຢູ່ບ່ອນເຮັດວຽກ ຫຼືເວລາພັກຜ່ອນເຊັ່ນ: ຈື່ກະຕິກາກິລາທີ່ຫຼິ້ນຕະຫຼອດບໍ່ໄດ້
- ຮູ້ສຶກສັບສົນກັບເວລາ ຫຼືສະຖານທີ່ເຊັ່ນ: ບໍ່ຮູ້ວັນທີ, ບໍ່ຮູ້ເວລາ, ລືມສະຖານທີ່ໆຕົນເອງເຄີຍຢູ່
- ຮູ້ສຶກລຳບາກທີ່ຈະເຂົ້າໃຈໃນພາບທີ່ເຫັນ ແລະຄວາມສຳພັນລະຫວ່າງພາບທີ່ເຫັນ ກັບໂຕທ່ານເອງເຊັ່ນ: ອ່ານໜັງສືລຳບາກ, ບອກສີີຕ່າງໆຍາກຂຶ້ນ
- ຮູ້ສຶກມີບັນຫາໃນການຄົ້ນຫາ ຫຼືມີບັນຫາໃນການໃຊ້ຄຳທີ່ເໝາະສົມໃນການເວົ້າ ຫຼືຂຽນເຊັ່ນ: ມັກຈະຢຸດໃນລະຫວ່າງລົມກັນ ຫຼືບໍ່ຮູ້ວ່າຈະເວົ້າຫຍັງຕໍ່ໄປ
- ລືມເຄື່ອງໄວ້ໃນບ່ອນທີ່ບໍ່ຄວນປະໄວ້ ແລະບໍ່ສາມາດຄິດໄດ້ວ່າລືມໄວ້ບ່ອນໃດເຊັ່ນ: ປະເກີບໄວ້ໃນຕູ້ເຢັນ
- ຄວາມສາມາດໃນການຕັດສິນໃຈຫຼຸດລົງເຊັ່ນ: ບໍ່ອາບນໍ້າ, ບໍ່ແຕ່ງຕົວ ເມື່ອຈະໄປວຽກສຳຄັນ
- ມີການແຍກໂຕອອກຈາກວຽກທີ່ເຮັດ ແລະກິດຈະກຳທີ່ມັກເຊັ່ນ: ປົກກະຕິມັກຈະໄປອອກກຳລັງກາຍທຸກອາທິດ ແຕ່ມາວັນໜຶ່ງກໍບໍ່ໄປ ໂດຍບໍ່ຮູ້ສາເຫດ
- ຮູ້ສຶກວ່າອາລົມ ແລະບຸກຄະລິກກະພາບປ່ຽນແປງເຊັ່ນ: ສັບສົນ, ກັງວົນໃຈ, ມີຄວາມຢ້ານ
ຖ້າຫາກເຈົ້າມີ ສັນຍານເຕືອນຂໍ້ໃດໜຶ່ງ ຄວນປຶກສາແພດຜູ້ຊ່ຽວຊານ, ການກວດພະຍາດອັນໄຊເມີຕັ້ງແຕ່ທຳອິດ ທີ່ມີສັນຍານເຕືອນຈະນຳໄປສູ່ການຮັກສາທີ່ໄດ້ຜົນດີທີ່ສຸດ ແລະສາມາດວາງແຜນໃນອະນາຄົດໃຫ້ຕົວເຈົ້າເອງໄດ້, ເຊິ່ງສັນຍານເຕືອນທັງ 10 ຂໍ້ນີ້ ເປັນຂໍ້ມູນທີ່ເຈົ້າຄວນພິຈາລະນາທຳອິດເທົ່ານັ້ນ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ