ນໍ້າເຕົາຫູ້ ເຄື່ອງດື່ມເພື່ອສຸຂະພາບອີກຊະນິດໜຶ່ງທີ່ມີຄົນນິຍົມດື່ມຫຼາຍ, ເຊິ່ງນໍ້າເຕົາຫູ້ຊື້ກິນງ່າຍ ແຕ່ກໍມີຄົນຈຳນວນຫຼາຍຢາກເຮັດກິນເອງ ເພາະຖ້າເຮັດເອງ ມັກລົດຊາດແບບໃດກໍເຮັດໄດ້ຕາມສະບາຍ ແຖມຍັງບໍ່ໃສ່ສານກັນບູດອີກ, ນໍ້າເຕົາຫູ້ນອກຈາກຈະໃສ່ຖົ່ວເຫຼືອງແລ້ວ ຍັງເພີ່ມຖົ່ວດິນອີກ ເຮັດໃຫ້ມີຄວາມຫອມຫຼາຍຂຶ້ນອີກດ້ວຍ
# ສ່ວນປະສົມ ນໍ້າເຕົາຫູ້
- ຖົ່ວເຫຼືອງ 16 ອອນ (453 ກຣາມ)
- ຖົ່ວດິນ 1 ຖ້ວຍນ້ອຍ
- ນໍ້າ
- ນໍ້າຕານຊາຍຂາວ ຫຼືນໍ້າຕານຊາຍແດງ ສຳລັບເພີ່ມຄວາມຫວານ
# ວິທີເຮັດນໍ້າເຕົາຫູ້
- ໃສ່ຖົ່ວເຫຼືອງ, ຖົ່ວດິນ ມາລ້າງໃຫ້ສະອາດ ຈາກນັ້ນແຊ່ນໍ້າໃຫ້ຖ້ວມ ປະໄວ້ຢ່າງໜ້ອຍ 8 ຊົ່ວໂມງ (ຫຼັງຈາກແຊ່ນໍ້າປະໄວ້ຈົນຄົບເວລາແລ້ວ ຖົ່ວຈະພອງຂຶ້ນເປັນ 3 ເທົ່າ)
- ເອົາຖົ່ວທີ່ແຊ່ນໍ້າໄວ້ນັ້ນ 3 ຖ້ວຍໃສ່ລົງໃນເຄື່ອງປັ່ນ ແລະໃສ່ນໍ້າໃຫ້ພໍດີ ແລ້ວປັ່ນປະມານ 1-2 ນາທີ ຈົນສ່ວນປະສົມລະອຽດເປັນເນື້ອດຽວກັນ
- ເອົາສ່ວນປະສົມທີ່ປັ່ນລະອຽດນັ້ນມາຕອງດ້ວຍຜ້າຂາວ ບີບເອົາແຕ່ນໍ້າ, ໃສ່ໝໍ້ຕຽມໄວ້
- ເອົານໍ້າຖົ່ວເຫຼືອງຕົ້ມຈົນຟົດ ແລະມີຟອງຂຶ້ນມາ, ແຕ່ຄວນໝັ່ນຄົນສ່ວນປະສົມຕະຫຼອດ ເພື່ອບໍ່ໃຫ້ສ່ວນປະສົມໄໝ້) ຈາກນັ້ນກໍປົງ
- ຕັກນົມຖົ່ວເຫຼືອງທີ່ໄດ້ໃສ່ຈອກ, ເອົານໍ້າຕານລົງໄປຕາມຄວາມມັກ, ຄົນປະສົມໃຫ້ເຂົ້າກັນ ພ້ອມດື່ມ ຫຼືປະໄວ້ໃຫ້ເຢັນ ແລ້ວເອົາໃສ່ຕຸກເກັບໄວ້ໃນຕູ້ເຢັນກ່ອນດື່ມ ແລະເອົາໄວ້ໄດ້ດົນເຖິງ 3 ວັນ
ຕິດຕາມນານາສາລະ ກົດໄລຄ໌ເລີຍ!