ສຳນັກຂ່າວຕ່າງປະເທດລາຍງານຈາກເມືອງ ໂຄລັມບັສ ລັດໂອໄຮໂອ ປະເທດສະຫະລັດອາເມລິກາ ເມື່ອວັນທີ 9 ທັນວາ 2016 (ມື້ນີ້) ວ່າ. ທ່ານ ແຮງຄ໌ ວິລສັນ ຜູ້ອຳນວຍການຝ່າຍສື່ສານຂອງວິທະຍາໄລກິດຈະການສາທາລະນະ ຈອນ ເກລນ ຖະແຫລງການວ່າ ທ່ານ ຈອນ ເກລນ ອະດີດນັກບິນອາວະກາດຊາວອາເມລິກັນຄົນທຳອິດທີ່ໂຄຈອນຮອບໂລກ ເສຍຊີວິດແລ້ວ ດ້ວຍໄວອາຍຸ 95 ປີ ທີ່ໂຮງໝໍ ເຈມສ໌ ແຄນເຊີ

ທ່ານ ຈອນ ເກລນ ເປັນນັກບິນອາວະກາດອາເມລິກັນຄົນທຳອິດທີ່ໂຄຈອນຮອບໂລກ ເມື່ອວັນທີ 20 ກຸມພາ 1962 ໂດຍໃຊ້ເວລາ 4 ຊົ່ວໂມງ 55 ນາທີ 23 ວິນາທີ  ແລະ ໂຄຈອນຮອບໂລກ 3 ຮອບ ເຊິ່ງເປັນສ່ວນໜຶ່ງໃນໂຄງການເມີຄິວຣີຂອງອົງການບໍລິຫານການບິນ ແລະ ອາວະກາດແຫ່ງຊາດຂອງສະຫະລັດ (ນາຊ່າ) ຈາກນັ້ນອີກ 36 ປີຕໍ່ມາ ຄືວັນທີ 29 ຕຸລາ 1998 ລາວໄດ້ສ້າງປະຫວັດສາດອີກຄັ້ງໃນຖານະນັກບິນອາວຸໂສຜູ້ເດີນທາງທ່ອງອາວະກາດໃນຂະນະທີ່ລາວມີອາຍຸ 77 ປີ ຖືເປັນນັກບິນອາວະກາດທີ່ມີອາຍຸຫຼາຍທີ່ສຸດ

ຂ່າວຈາກ: http://www.dailynews.co.th/foreign/541569
ຕິດຕາມຂ່າວເສດຖະກິດລາວ ກົດໄລຄ໌ເລີຍ!