ໃນວັນທີ 30 ກໍລະກົດນີ້ ຢູ່ໂຮງໝໍເດັກລາວ-ເກົາຫລີ ເຂດໂຮງໝໍມິດຕະພາບ 150 ຕຽງ, ນະຄອນຫລວງວຽງຈັນ
ໄດ້ເປີດການນຳໃຊ້ຫ້ອງກວດ ແລະ ປິ່ນປົວພະຍາດມະເຮັງສຳລັບເດັກຂຶ້ນ, ໂດຍການໃຫ້ກຽດເຂົ້າຮ່ວມຂອງຄະນະ
ຮັບຜິດຊອບກົມປິ່ນປົວ ກະຊວງສາທາລະນະສຸກ, ຄະນະອຳນວຍການໂຮງໝໍເດັກ ພ້ອມຜູ້ຕາງໜ້າອົງການຜູ້ໃຫ້
ທຶນເຂົ້າຮ່ວມນຳດ້ວຍ.
ໜ່ວຍງານປິ່ນປົວພະຍາດມະເຮັງສຳລັບເດັກ ແມ່ນນອນຢູ່ໃນຂະແໜງການໜຶ່ງຂອງໂຮງໝໍເດັກລາວ-ເກົາຫລີ
ແລະ ໄດ້ສ້າງຕັ້ງໜ່ວຍງານດັ່ງກ່າວຂຶ້ນໃນແຕ່ປີ 2012 ພາຍຫລັງໂຮງໝໍແຫ່ງນີ້ໄດ້ສຳເລັດການກໍ່ສ້າງ ແລະ ເປີດ
ການນຳໃຊ້, ຊຶ່ງເມື່ອກ່ອນແມ່ນໄດ້ອາໃສຫ້ອງນອນປິ່ນປົວເດັກທົ່ວໄປ, ແຕ່ດ້ວຍຄວາມເປັນຫ່ວງຂອງອົງການຜູ້
ໃຫ້ທຶນສະໜັບສະໜູນ ເປັນຕົ້ນອົງການກອຍກາ (KOICA), ອົງການໂກຟີ (KOFIH) ແລະ ອົງການລີຈອງວຸກ
(Lee Jong Wook soul Project) ຂອງ ສ. ເກົາຫລີ ໄດ້ຮ່ວມກັນປະກອບສ່ວນທຶນຮອນຊື້ວັດຖຸອຸປະກອນການແພດ,
ຢາປິ່ນປົວ, ປະກອບດ້ວຍເຄື່ອງຮັບໃຊ້ຫ້ອງການ ຕົກເປັນມູນຄ່າ 64 ພັນກ່ວາໂດລາສະຫະລັດ ເພື່ອນຳມາປະກອບ
ໃຫ້ແກ່ຫ້ອງປິ່ນປົວ ແລະ ແຍກເປັນເອກະລາດ ລວມມີຕຽງນອນເດັກຈຳນວນ 4 ຕຽງ, ມີລະບົບດູດອາກາດຄົບຊຸດ
ແລະ ພິເສດ ທາງອົງການກອຍກາ ຍັງໄດ້ສົ່ງຊ່ຽວຊານຂອງຕົນ ມາປະຈຳຢູ່ຫ້ອງກວດພະຍາດດັ່ງກ່າວ ເປັນປະຈຳ
ເພື່ອສົມທົບກັບແພດໝໍຂອງລາວ ສຸມໃສ່ການປິ່ນປົວເດັກ ທີ່ເປັນພະຍາດມະເຮັງ, ເຊິ່ງໃນປັດຈຸບັນມີເດັກເປັນພະ
ຍາດມະເຮັງເຂົ້າຮັກສາປິ່ນປົວຈຳນວນ 20 ກວ່າຄົນ. ໃນນີ້, ສະເພາະເດັກນ້ອຍທີ່ຄອບຄົວມີຄວາມຫຍຸ້ງຍາກທາງໂຮງ
ໝໍຈະໃຫ້ການຮັກສາປິ່ນປົວໂດຍບໍ່ເສຍຄ່າໃຊ້ຈ່າຍໃດໆ.
ຂອບໃຈຂ່າວຈາກ: http://laophatthananews.blogspot.com/2014/07/blog-post_61.html